KINOBAḺIAN 46:20 - Alkitab Singog In Mongondow Masa In Tanaa

²⁰ Kon Mesir ki Yusup nokouḻí kon doyowa in adí, ki Manasye bo ki Epraim inta pinononggadí i buḷoinea inta ki Asnat in tangoinea, ki adí i Potisaḷaka, inta nobaḻí imang kon Heliopolis.

KINOBAḺIAN 46:20 ပူးပေါင်းရင်းမြစ်များ

KINOBAḺIAN 41:45

Bo ki Yusup in sinangoianneadon in tangoi in intau Mesir, ki Zapnat-Paaneah. Inogoiannea domandon in buḷoi inta tangoinea ki Asnat, ki adí i Potisaḷaka inta nobaḻí imang kon kotá in Heliopolis. Ki Yusup umur toḷu nopuḷú notaong dodai in sia nogaid kon tayowon i datu in Mesir. Dá nobuatdon in ki Yusup nongkon komaḻig i datu bo minayá noḻibu kon bayongan butá in Mesir.

KINOBAḺIAN 46:19

Ki Rahel ki buḷoi Yakub kogadí kon doyowa, ki Yusup bo ki Benyamin.

KINOBAḺIAN 48:1

Diá noonggot kon tua pinotaaudon kon i Yusup kon ki amánea in notakitdon moyoyiga. Dá minayádon in sia takin ki adínea doyowa, ki Manasye bo ki Epraim, minayá noḷongow kon i Yakub.

KINOBAḺIAN 48:20

Bo binarakatanneadon bui in adí mita tatua kon singgai tatua, gumannea, “Intau mita Israel in monangoidon kon tangoimu aka mosia momarakat kon intau. Mosia in mogumanbí, ‘Poigumon mako ki Allah mopobaḻí kon inimu naonda ki Epraim bo ki Manasye.’ ” Kon tosingogonnea tatua noniatadon kon ki Yakub nopounadon kon i Epraim nongkon i Manasye.

YEHEZKIEL 30:17

Tayowmobiag mita in kotá in Heliopolis bo Bubastis in matoibí kon bonu in parang, bo bobay mita in dakoponbí.

YOSUA 17:1

Tongobotak in butá kon dotá in toyopan kon Ongkag in Yordan inogoi kon tongosilai in motoḷuadí buí i Manasye, adí guya-guyang i Yusup. Ki Makhir, ki amá i Gilead, adí guya-guyang i Manasye. Sin sia in tobatú tontara, dá butá in Gilead bo Basan inta noiukat kon dotá in pomukaan kon Ongkag in Yordan inogoi kon inia.