KINOBAḺIAN 44:26 - Alkitab Singog In Mongondow Masa In Tanaa

²⁶ Kami in notubag, ‘Kami in diábí motaau bui mayá in tua, sin kami in diábí motaau bui tumayow kon i gubernur aka ki ai-ai nami inta muit diá dumudui kon inami. Kami in motaau bui mayá intua koḻikudbí in aka ki ai-ai nami mayá doman.’

KINOBAḺIAN 44:26 ပူးပေါင်းရင်းမြစ်များ

KINOBAḺIAN 42:15

Tungkuḷankupa in moiko: Ibotanku podoyon kon tangoi i datu kon moiko in diábí moiḷuai nongkon butá tanaa aka ki ai-ai monimu inta muit tua diá mamangoi in naa.

KINOBAḺIAN 44:12

Bobantung i Yusup tatua nomirikisadon kon karong mita tatua takin kinotaḻit, pinangkoi kon karong kapunyaan in inta guya-guyang nodapot kon karong i inta muit, bo piala tatua in nouḻí kon bonu in karong i Benyamin.

KINOBAḺIAN 44:25

Onda intua ki amá nami bui nopotabá kon inami mamangoi in naa sin motaḷui kon kaanon.

KINOBAḺIAN 44:27

Onda intua ki amá nami in noguman, ‘Kinotaauan monimu kon ki Rahel, ki buḷoiku tua tongá kogadí kon doyowa.

LUKAS 11:7

Bo aka kuma yobayatnea tatua notubag nanaa, ‘Dikadon monuyayow kon inakó sin kinunsíankudon in ḷoḻingkop bo nosiugdon in kami motoḷuadí. Diádon in akuoi mokopobangon bo mobogoi in kaanon kon inimu uḻe.’ ”