KINOBAḺIAN 43:33 - Alkitab Singog In Mongondow Masa In Tanaa

³³ Ki utat mita i Yusup pinoki ḻitúan kon meja inta noyogintayowan i Yusup, mosia iḻimitú podudui in umur monia, pinangkoi kon inta guya-guyang totok nodapot kon inta ai-ai totok. Naonda inontong monia in pinononampat natua, mosia in nooindoian takin herang.

KINOBAḺIAN 43:33 ပူးပေါင်းရင်းမြစ်များ

KINOBAḺIAN 42:7

Naonda in ki Yusup nokoontong kon i guya-guyangnea mita, kinotaauanneadon in mosia tua, táe sia in ki ubo-uboḷmai diá nonotaau. Takin buḷaḷu sia in noḻibó kon i monia, “Moiko nion intau nongkon onda?” “Kami naa intau in Kanaan. Kami namangoi sin motaḷui kon kaanon,” tubag monia.

KINOBAḺIAN 44:12

Bobantung i Yusup tatua nomirikisadon kon karong mita tatua takin kinotaḻit, pinangkoi kon karong kapunyaan in inta guya-guyang nodapot kon karong i inta muit, bo piala tatua in nouḻí kon bonu in karong i Benyamin.

KINOBAḺIAN 48:18

Sia in noguman kon i amánea, “Donaai natua, Papa. Naabí in adí guya-guyang; poukatdon in ḻima i Papa koḷanan kon uḷunea.”

MATIUS 8:10

Naonda in dinongog i Yesus tosingogon in porwira tatua, noherang totok in Sia. Dá Sia in noguman kon intau mita inta dinumudui kon i-Nia, “Diápa kon dodai in onda in kinodungkuḷan-Ku in koḷoḷoben pirisaya ná tanaa kon sigad in intau in Israel!