KINOBAḺIAN 43:14 - Alkitab Singog In Mongondow Masa In Tanaa

¹⁴ Poigumon mako ki Allah Inta Totok in Mokawasa mopobaḻí kon i gubernur tatua motabi kon i monimu, dapot in moibogdon in sia mopobui mangoi kon i Benyamin bo kon i Simeon kon i monimu. Yo akuoi naa, aka mustibí kobuḻian i adíku mita, yo donaaidon mako aka tuabí in mobaḻí.”

KINOBAḺIAN 43:14 ပူးပေါင်းရင်းမြစ်များ

KINOBAḺIAN 17:1

Kon tungkuḷ in ki Abram umur siow nopuḷú bo siow notaong, ki Tuhan nokipogontong kon inia bo poḷat noguman, “Akuoi in ki Allah Inta Totok in Mokawasa. Kobiagdon kon tayowon-Ku takin kodu-kodudui kon onu inta kinoibog-Ku.

KINOBAḺIAN 22:14

Tampat tatua sinangoian i Abraham “Ki Tuhan noposadia onu inta paraḷu”. Bo dapot in masai naa intau moguman “Kon tudu in buḷud-Nea ki Tuhan moposadia kon onu inta paraḷuon”.

KINOBAḺIAN 28:3

Poigumon mako ki Allah Inta Totok Mokawasa momarakat kon tonibuḷoimu bo mobogoi kon inimu in adí bo ompu inta mobarong, dapot in iko mobaḻídon bangusa inta mobarong!

KINOBAḺIAN 35:11

Bo ki Allah in noguman doman, “Akuoibí naa in ki Allah Inta Totok in Mokawasa. Pononggadí bo pononggompudon inta kobarongon! Nongkon inimu momukádon in bangusa mita bo mobaḻí mogoguyang in datu mita.

KINOBAḺIAN 39:21

Táe ki Tuhan notuḷung kon i Yusup bo umuran motabi kon inia, dapot in itoi in ponjara motabi kon inia.

KINOBAḺIAN 42:24

Ki Yusup nonaḷámai kon i monia, bodongka nongombaḷ. Naonda in sia motaaudon bui mosingog, sia in namangoidon bui kon i monia, bo nogamá kon i Simeon, bo pinoki togot in sia kon tayowon i utatnea mita.

KINOBAḺIAN 42:36

Bo ki amá monia in nosingogdon, “Moiko ain nokopopisí kon akuoi in kinobuḻiandon i adíku mita. Ki Yusup in diádon; ki Simeon diádon; bo tanaa moiko in mogamá domandon kon i Benyamin. Moiḻiudon totok in rorigaku!”

KINOBAḺIAN 43:13

Diadon in ki ai-ai monimu tua, bo ḷagidon pobui mangoi.

KINOBAḺIAN 44:12

Bobantung i Yusup tatua nomirikisadon kon karong mita tatua takin kinotaḻit, pinangkoi kon karong kapunyaan in inta guya-guyang nodapot kon karong i inta muit, bo piala tatua in nouḻí kon bonu in karong i Benyamin.

EZRA 7:27

Bo ki Ezra in noguman, “Dayowdon in ki Tuhan, Allah inta sinumba in mogoguyang naton! Sia in nopogonúdon kon gina i datu dá ki datu in noibogdon noindoi totok kon Baḷoi Tuhan kon Yerusalem.

NEHEMIA 1:11

Indongogaipa in sambayangku bo sambayang in bayongan mogogundoi-Mu mita ibanea, inta moibog mohoromat kon ini-Mu. Tuḷungaipa sinbá kon singgai in naa mogogundoi-Mu in mokouḻídon kon totabi nongkon i datu.” Kon dodai intua akuoi in mopoposadia in oinumon i datu.

ESTER 4:16

“Sipundon in bayongan intau in Yahudi inta kon Susan bo sambayangai in akuoi. Dika mongaan bo monginum in toḷu nosinggai bo toḷu nogobii in koonggotnea. Akuoi tontaní bo mongodeaga mita inta nobantung kon inakó in mopuasabí doman. Mopaḷut mako kon tua akuoi in mayá kon tayowon i datu, umpakabí ḻimimpat tua kon undang-undang. Aka akuoi bo musti matoi popisí intua, dá biódon mako in akuoi matoi!”

MAZMUR 100:5

Sin ki Tuhan tua in mopia; tabi-Nea in mononoi, bo kososatia-Nea in modapot in adí bo ompu.

MAZMUR 106:46

Binaḻí-Nea in mosia kinotabi in bayongan in intau inta nodakop kon i monia.

MAZMUR 119:41

O Tuhan, poontongdon kon totuu motabi in Iko kon inakó, posaḷamatpa kaasí in akuoi podudui in dandi-Mu.

MAZMUR 85:7

Iropotaidon bui in kami sinbá kami umat-Mu in moḷunganga popisí in totuḷung-Mu.

AMSAL 1:1

Naa in tonggina mita i Salomo ki adí ḷoḷaki i Daud, datu in Israel.

AMSAL 16:7

Aka iko mokosanang kon gina i Tuhan, musungmu mita in baḻíon-Neabí yobayat.

AMSAL 21:1

Naonda bo pononompia i Tuhan kon tubig in ongkag sinbá moiḻig podudui in ibog-Nea, natua doman in pokokapit-Nea kon raian in datu.

YESAYA 49:13

Podondongdon ei ḷangit, porogiowdon ei butá, ei buḷud mita. Porogiowdon takin pia in gina! Sin ki Tuhan in mamangoi moḻipoi kon umat-Nea, Sia in monotabi kon umat-Nea inta dinorot.

LUKAS 1:50

Sia umuran mobogoi in totabi-Nea kon bayongan intau inta moondok kon i-Nia.

YOHANES 19:22

Táe ki Pilatus in notubag, “Onu inta ain pinaisku, diá bidon motaau baḷuian.”

OUMAN IN RASUL MITA 21:14

Tongá sia bo doíbí nokidongog kon tonggina nami, dá dinududuiandon nami in ibognea tatua takin noguman: “Kobaḻídon onu inta kinoibog Tuhan.”

OUMAN IN RASUL MITA 7:10

bo pinilatan i Allah in sia kon bayongan roriga bo inogoian in totabi bo pandoi wakutu in minayá kon tayowon i Piraun datu intau in Mesir tua, sahingga in binaḻí i Piraun gubernur kon butá in Mesir bo nongawasa kon bonu in komaḻig i Piraun.

TIMOTIUS 1 1:16

Táe popisíbí in kaadaanku natua, dá sinotabi i Allah in akuoi bo bá moniatadon in kososabar i Kristus Yesus kon inakó, intau inta totok in binaradosa. Bo naadon in mobaḻí contoh kon bayongan in intau inta aka mopirisayadon kon i-Nia bo inta mokouḻí kon kobiagan mopia bo mononoi.

TITUS 1:4

Titus, iko uḻe in totu-totuu bidon nobaḻí ki adíku, sin kitada in tumpaḷadon nopirisaya kon i Kristus. Manangka intua umuranku poigumon mako sinbá ki Allah, ki Amá naton bo ki Kristus Yesus Datu Mopoposaḷamat naton, umuran mobogoi in barakat bo kobiagan mopia kon inimu.

YOHANES 2 1:3

Poigumon mako, totabi, barakat bo kobiagan motompia nongkon i Allah, ki Amá naton bo nongkon i Yesus Kristus ki Adí-Nea in umuran doman kotaki-takin naton. Igumon mako tua, komintan mouḻí naton intua takin gina motuḻid bo takin tabi.