KINOBAḺIAN 42:28 - Alkitab Singog In Mongondow Masa In Tanaa

²⁸ “Doitku pinobuibí,” gumannea kon i utatnea mita. “Indoiai, nouḻíku kon bonu in karongku!” Gina monia nobaḻí nokawai, bo takin ondok mosia in nosiḻibóan, “Onu in pinomia i Allah kon inaton?”

KINOBAḺIAN 42:28 ပူးပေါင်းရင်းမြစ်များ

KINOBAḺIAN 27:33

Noitaḻikokogdon totok in ki Ishak bo poḷat noḻibó, “Aka natua, dá ki inebí inta minayá notayak kon biag in kayuon tatua bo dinianea kon inakó koina? Ain kinaanku kon dodai in iko diápa noiangoi. Bo ain nomarakat kon inia, bo tanaa barakat tatua ain nobaḻí kapunyaannea inta mononoi.”

KINOBAḺIAN 42:29

Wakutu in nodapotdon kon Kanaan, inouman monia kon i amá monia in bayongan inta nobaḻí kon i monia. Guman monia,

KINOBAḺIAN 42:36

Bo ki amá monia in nosingogdon, “Moiko ain nokopopisí kon akuoi in kinobuḻiandon i adíku mita. Ki Yusup in diádon; ki Simeon diádon; bo tanaa moiko in mogamá domandon kon i Benyamin. Moiḻiudon totok in rorigaku!”

KINOBAḺIAN 43:23

Bobantung tatua in noguman, “Dika moondok. Dika mohawatir. Ki Allahmu, inta ki Allah inta sinumba i amámu, Sia tuata inta nopobonu in doit tatua kon bonu in karong monimu. Akuoi in notarimadon kon boḻi in gandum inta sinaḷui monimu tua.” Onda intua dinianeadon mangoi in ki Simeon kon i monia,

DATU MITA IMITÁNEA 10:5

pogogaid in pogawainea mita kon komaḻignea, bo pakeang moyotakin bo baḷoi mita monia. Inindoiannea doman in kaanon bo oinumon inta inoḷud, pononoḻisí in bobantung mita kon rame, bo kuruban mita inta pinosumba i Salomo kon Baḷoi Tuhan. Bayongan intua nokoherang nodapot in noitongau in ki datu bobay nongkon butá in Syeba tatua.

MAZMUR 61:2

Indongogaipa kaasí in kuaniku, o Allah, taridiaipa in sambayangku.

DONDONG MOḶANTUD 5:6

Binukatanku in ḷoḻingkop sin tuotan in batoḷ in dodobku, táe nomurowdon in sia bo minayá. Mokotanob totok in akuoi mokidongog kon singognea; sinayakku in sia, táe diá nouḻíku. Kinuukku in tangoinea, táe diá sinumubag in sia.

YESAYA 45:7

Akuoibí in nomia kon bayag bo sindip, Akuoi in mopoangoi in barakat bo bodito. Akuoi in ki Tuhan inta nogaid kon tua mita.

OMBAḶ 2:17

Ki Tuhan in nogaidon kon onu inta pinogogondoknea inta koḻipod in sinomayá bo pinotoingat-Nea kon inaton. Kita in irimumud takin diábí in tabi, musung in pinountung-Nea binaḻí-Nea noḷunganga in gina monia in nokoontong kon kinoḷabúan naton.

OMBAḶ 3:37

Aka oyúon in kinodoí i Tuhan, yo notantúbí kon intau in diábí mokopongonu kon tua.

IMAMAT 26:36

Intaumu mita inta kon pinoḷumbúanpa kon butá intau, popogonúan-Kudon in ondok moḷoben, modapot in umpaka tongá singog in daun irupon tompot yo poḷaguian monia. Moiko in moḷagui naonda bo inaḷowan kon bonu in parang, bo moḷabú umpaka diá in musung kon diugmu.

AMOS 3:6

Degá diá mourot in intau kon kotá aka mokodongog kon singog in torompet tomponuot in parang? Degá kotá tobatú kotugatan in bodito, aka diá potabá mangoi i Tuhan intua?

LUKAS 21:26

Intau mita in moondok totok in moyogintayow in onu inta mobaḻí kon dunia naa, bo bayongan kawasa kon baḷangon motombauk.

ULANGAN 28:65

Kon sigad in bangusa mita tatua moiko in diábí mokouḻí kon kobiagan mopia, bo diábí in tampat inta motaau tangoion monimu kapunyaanmu; Baḻíon i Tuhan in moiko totok in moondok bo koinggamáan in rigon in gina takin diá in andoḷan.