KINOBAḺIAN 41:44 - Alkitab Singog In Mongondow Masa In Tanaa

⁴⁴ Guman i datu kon inia, “Akuoi naa in datu – bo akuoi mopotaau kon aka diá muna kotaauanmu yo diá tobatúmai in motaau mogaid kon onuka.”

KINOBAḺIAN 41:44 ပူးပေါင်းရင်းမြစ်များ

KINOBAḺIAN 41:43

Bo inogoineadon kon i Yusup in kereta dodatuan inta induanea, bo pongawal kahoromatan i datu minaya-mayá kon muna in kereta tatua takin mobaḷu, “Pokoingat! Ogoiai in daḷan! Ogoiai in daḷan!” Natuata ki Yusup binaḻídon gubernur kon butá in Mesir.

ESTER 10:3

Ki Mordekhai, intau in Yahudi tatua in tantúbí nokantang kon oaidan moḷantud kon ḻimonagan i Datu Ahasyweros. Ki Mordekhai in ihoromat bo kinoibog in intau mita tongobangusanea. Sia in noḷongasi nogaid sin kasaḷamatan bo kobiagan motompia in bangusanea bo bayongan in buí monia.

MAZMUR 105:22

bo pinopopirisayaan doman mogator kon pogawai mita i datu, bo mobaḻí itoi kon inta noguyangdon mita.

IḶUAIAN 11:7

Táe aka kon intau Israel, pinomayá intau ande bobiagon diábí tuyayowon. Dá kotaauandon monimu kon Akuoi, ki Tuhan, in mopoyoposibí kon intau in Mesir bo intau in Israel.’ ”