KINOBAḺIAN 40:19 - Alkitab Singog In Mongondow Masa In Tanaa

¹⁹ Toḷupa nosinggai naa ki datu mopotabádon kon intau momongkó kon uḷumu bodongka bambéonnea in mayatmu kon oigi tobatú, bo ḷagapan mita mamangoi mokaan kon tapúmu.”

KINOBAḺIAN 40:19 ပူးပေါင်းရင်းမြစ်များ

KINOBAḺIAN 40:13

Kon bonu in toḷu nosinggai moiduduimai ki datu mopoḷuaidon kon inimu, ampunganneadon in iko bo popobuineadon in iko kon oaidanmu inta koḻipod. Iko in bui bidon moposadia in oinumon i datu ná koḻipod.

KINOBAḺIAN 40:17

Kon bonu in karansi inta totok in koḻimonik noyagi-yagimai in kukis sin diaan ogoi kon i datu, táe ḷagapan mita namangoibí bo nokaan kon kukis mita tatua.”

KINOBAḺIAN 40:18

Tubag i Yusup, “Naa in mangaḻe in togoindopmu tatua: Karansi toḷu tatua mangaḻenea toḷu nosinggai.

KINOBAḺIAN 40:20

Toḷu nosinggai noiduduimai kon tua in singgai kinotompodan umur i datu, bo sia nogaid kon rame moḷoben sin pogoiníannea kon bayongan pogawainea. Sia nomarenta sinbá mopoposadia in oinumonnea bo intau inta mopoposadia in kaanonnea poḷuaidon kon bonu in ponjara bo diaan kon tayowon in bayongan pogawai in komaḻig.

KINOBAḺIAN 40:22

Táe inta mopoposadia kon kaanonnea ihukum dapot in minatoi. Tua komintan in nobaḻí notongkai ná inta ain pinoguman i Yusup.

KINOBAḺIAN 41:13

Bo indoianmai onu in nobaḻí tua totokbí in notongkai ná inta ain pinogumannea, kainia: ki Tuang in buidon mopobui kon inakó bobantung naa mogaid kon oaidanku koḻipod, táe mobogoi in hukuman matoi kon intau inta mopoposadia in kaanon i Tuang tua.”

SAMUEL 2 21:10

Bo ki Rizpa buḷoi i Saul inta diá inika, nopoompat in daing sosapi kon inia kon tudu in batu tampat pinopouḻidan in mayat mita tatua. Ki Rizpa in diábí nonaḷámai kon tampat tatua pinangkoi kon pinomangkoian pinonoḻisían kon bungai in boyó nodapot in nonguyan kon sempo in kinototakan. Diábí pinomayánea mako in mayat mita tatua in sinuyayow in ḷagapan mita kon dodai in singgai andeka mahaḷuk mita mokokaan kon tapú kon dodai in doḷom.

SAMUEL 2 21:6

Tuamai, ogoidon in intau pitu nongkon buínea inta ḷoḷaki, sinbá gantongon nami kon tayowon i Tuhan kon Gibea, kotá i Datu Saul tontaní.” Tubag i datu, “Mopia, ogoikubí in mosia.”

AMSAL 30:17

Intau inta moningkuḻe kon i amánea andeka kon i inánea inta ain nogoguyang, patusbí pogambat kon ḷuai sinbá matanea padokon in ḷagapan kawag bo awaknea in kaanon in ḷagapan boniá.

YEHEZKIEL 39:4

Kon tudu in buḷud mita in Israel, ki Gog takin bayongan in tontara bo bayongan in inta dinumugang kon inia in matoibí kon parang, bo mayat mita monia in ogoi-Kubí kon ḷagapan mita bo mahaḷuk moraat sin pokikaan.

OUMAN IN RASUL MITA 20:27

Sin diábí kon dodai in onda in akuoi moḷagui mopohabar in bayongan tomayá i Allah kon i monimu komintan, sin tuabí in oaidanku.

GALATIA 3:13

Táe ki Kristus ain nomilat kon i naton nongkon kutukan in hukum i Musa tatua. Sia nopomayádon mako in awak-Nea tontaní kinutuk sinbá kita in mopilat kon kutukan. Sin kon Buk Motusi ain pinais, “Kinutukdon in intau inta minatoi binambé kon kayu pinoyotaḻempang.”

YOSUA 10:26

Bo ki Yosua noḻimod kon datu mita tatua bo pinopobambé monia kon oigi ḻima. Mayat monia pinomayádon mako kon tua nodapot in ḷoḷabungnea.

YOSUA 8:29

Datu in kotá tatua in binambé kon oigi tobatú, bo pinomayá mako nodapot in ḷoḷabungnea. Kon dodai in mata in singgai sinumoyop, pinoki gamádon i Yosua in mayat tatua bo iḷumbú kon tayowon in ḷoḻingkop moḷoben in kotá. Onda intua tampat tatua binumbunan in batu inta mobarong totok. Batu mita tatua umuranpabí oyúon nodapot in tanaa mako.

SAMUEL 1 17:44

Bo buipa doman in sia nonontot kon i Daud, kainia, “Angoidon in naa! Awakmu nion in pokaanonkudon kon ḷagapan bo mahaḷuk.”

SAMUEL 1 17:46

Singgai domandon naa posarakandon i Tuhan kon inakó in iko; taḷowonkubí in iko bo uḷumu in pongkóonkudon. Awakmu bo awak in tontara mita in intau Pilistin in pokaankudon kon ḷagapan bo mahaḷuk mita. Dá bayongan in intau kon dunia naa in monotaaudon kon kami bangusa Israel in oyúonbí in Allah inta sinumba nami,