KINOBAḺIAN 40:15 - Alkitab Singog In Mongondow Masa In Tanaa

¹⁵ Sin, sabanarnea koḻipod akuoi sinakow nongkon butá intau Ibrani bo kon naa, kon Mesir, akuoi in diábí kon dodai in onda in nogaid kon inta moraat nodapot in akuoi pinotuot kon bonu in ponjara tanaa.”

KINOBAḺIAN 40:15 ပူးပေါင်းရင်းမြစ်များ

KINOBAḺIAN 14:13

Táe intau tobatú inta nokoḷagui minayá nopotaau in bayongan inta nobaḻí tatua kon i Abram, intau Ibrani tatua. Ki Abram in nogutun kon diug in pangkoi mita in kayu karamat tampat pososumbaan kapunyaan i Mamre, intau in Amori. Ki Mamre bo ki utatnea mita, inta ki Eskol bo ki Aner in yobayat mita i Abram inta notobatúnea doman.

KINOBAḺIAN 39:20

Bo sia in nomarenta sinbá ki Yusup ḷagidon domokon bo popobonu kon ponjara, tampat pongongurungan kon datu mita.

KINOBAḺIAN 40:16

Naonda intau inta mopoposadia in roti tatua nokotaau kon mangaḻe in togoindop in mopoposadia kon oinumon i datu tatua mopia, dá sia in noguman doman kon i Yusup, “Akuoi in sinumogoindop doman, akuoi noguntu kon karansi toḷu kon bonu in roti.

KINOBAḺIAN 41:12

Tayowmobiag tobatú intau in Ibrani oyúon doman kon tua noyotakin nami. Sia oḻit in itoi in moḷoḷukad kon komaḻig tatua. Kaminda in nongonguman kon togoindop nami tua kon inia, bo pinotaauneadon in mangaḻe in togoindop naminda tatua.

MAZMUR 105:18

Sioḷnea in pinobonu kon kayu umantungan, sigogownea in binoboḷan in rante uatoi.

MAZMUR 109:2

Sin akuoi in sinubu in intau moraat bo mouboḷ inta mongonguman magí-mako bo moponapud in uboḷ kon inakó.

IḶUAIAN 21:16

Ki ine in monangag kon intau tobatú, musti hukumon matoi, pinomayá intau tatua ain pinotaḷuinea ande kon baḷoineapa.

DANIEL 6:22

Bo kinodongogandon in tubag i Daniel, “Mobiagdon in ki Tuangku modapot in mononoi!

YOHANES 10:32

Táe ki Yesus in noguman kon i monia, “Moiko ain nokoontong kon i-Nakó nogaid kon nobayong in oaidan inta mopia, inta pinoki aid i Amá kon i-Nakó. Nongkon oaidan mita tatua, onda in baḻíon monimu dodoyonan poganduran kon i-Nakó?”

YOHANES 15:25

Tongá musti bidon natua, sinbá mobaḻídon in onu inta pinais kon bonu in Hukum Agama monia nanaa: ‘Dia in kinodoyonan pinosaturuan monia kon i-Nakó.’

ULANGAN 24:7

Intau inta nodakop kon intau tobangusanea bo binaḻínea ata ande pinotaḷuinea, yo mustibí hukumon matoi. Aid monimu natua in monginggamábí kon inta moraat tatua.

TIMOTIUS 1 1:10

pinopomakusud doman kon i monia inta mokotor in oaid, kon i monia inta mongibog kon tumpaḷa ḷoḷaki, kon i monia inta banselang, kon i monia inta mongouboḷ bo kon i monia inta umuran mongonguman kon diá totuu, bo oaid mita inta diá kinoibog in totundú inta mobanar.

SAMUEL 1 24:11

Tanaa in kinorasaandon tontaní i Tuang Datu kon koina kon bonu in angob, pinosarakandon i Tuhan in ki Tuang kon inakó. Akuoi naa in dinondouḷugandon in intau tobatú kon moḻimod kon i Tuang Datu, táe doí in akuoi. Akuoi in notubag kon akuoi in doíbí mopororigamai kon datu inta ain piniḻí i Tuhan.