KINOBAḺIAN 38:10 - Alkitab Singog In Mongondow Masa In Tanaa

¹⁰ Gogutúnea tatua nokopomuká kon torú i Tuhan, bo ki Tuhan nomatoi doman kon inia.

KINOBAḺIAN 38:10 ပူးပေါင်းရင်းမြစ်များ

KINOBAḺIAN 46:12

Ki Yohuda; ki adínea mita: ki Syela ki Peres bo ki Zerah, yo ki adí mita i Yohuda ibanea, ki Er bo ki Onan in minatoi kon Kanaan. Ki adí mita i Peres in ki Hezron bo ki Hamul.

SAMUEL 2 11:27

Onda intua naonda in nopaḷutdon in pinonogumatoian tatua, binayá pinoki gamá i Daud in bobay tatua bo dinia mangoi in komaḻig bo binaḻídon i Daud ki buḷoinea in sia. Tongonumai nobuḷan noiduduimai, nopononggadí in sia in adí ḷoḷaki tobatú. Táe kinodoíbí i Tuhan in aid i Daud tatua.

DATU MITA IMITÁNEA 17:20

bo nosambayang noropot, “Oo Tuhan, Allahku, nongonu sin pinopoangoi-Mubí in bodito tanaa kon boba-bobay tanaa? Sia in nobogoidon in pogutunan kon inakó bo tanaa in iḻimod-Mubí in ki adínea!”

TAWARIKH 1 2:3

Adí ḷoḷaki i Yohuda in taya ḻima. Nongkon i buḷoinea inta ki Batsyua, bobay in Kanaan, pinononggadí in ki Er, ki Onan bo ki Sela; nongkon i buḷoinea inta ki Tamar, inta ki mototakanea tontaní, pinononggadídon in ki Peres bo ki Zerah. Ki Er ki adí guya-guyang i Yohuda tatua in totok in moraat, dá iḻimod i Tuhan in sia.

TAWARIKH 1 21:7

Kinodoíbí i Allah in pinogiapan tatua bo ihukum-Nea in intau in Israel.

AMSAL 14:32

Intau moraat moyopú popisí in aidnea moraat, intau mopia ḷukadan in aidnea inta motuḻid.

AMSAL 24:18

Sin, notantúbí kon ki Tuhan in moindoibí kon aidmu tatua bo anggapon-Nea moraat intua, bo diádon hukumon-Nea in musungmu tatua.

YEREMIA 44:4

Akuoi in tantúbí mopotabá mangoi in mogogundoi-Ku mita nabi mita, inta nogimaḷow kon i monia nogaid kon inta moraat inta kinodoí-Ku tua.

HAGAI 1:13

Bo ki Hagai in nopotaau kon rayat in koyow i Tuhan kon ki Tuhan in nodandidon kon moḷukad kon i monia.

PINOGIAPAN 11:1

Kon singgai tobatú bangusa tatua momangkoidon mogamui kon i Tuhan sin yoyiga mita monia. Nokodongogmai kon amui mita tatua, ki Tuhan sinumorú bo nopouma in tuḷú kon i monia. Tuḷú tatua iḷumekep nopobayá kon i monia bo nomokak kon tosilai in ḷoḷaigan monia.

PINOGIAPAN 22:34

Guman i Bileam kon malaekat i Tuhan, “Binaradosadon in akuoi. Diábí kinotaauanku kon ki Tuang sinimindog kon yuak in daḷan sin moḷamboi kon bayáanku. Táe naa, aka kon raian i Tuang bo diábí mopia aka akuoi mayá intua, dá mobuidon in akuoi.”

PINOGIAPAN 26:19

Nongkon suku i Yohuda: Inanakan i Syela, i Peres, i Zerah, i Hezron bo i Hamul. Ki adí i Yohuda doyowa inta ki Er bo ki Onan, ain minatoi kon butá in Kanaan.

SAMUEL 1 2:25

Aka intau mogaid kon taḷá kon tumpaḷa intau, yo motaaupabí tuḷungan i Allah; táe aka intau momia kon dosa kon i Tuhan, yo ki ine in motaau motuḷung kon inia?” Táe doíbí in mosia mokidongogmai kon tonggina i Eli, amá monia, sin sinantúdon i Tuhan kon ḻimodon in monia.