KINOBAḺIAN 37:36 - Alkitab Singog In Mongondow Masa In Tanaa

³⁶ Kon dodai intua, kon Mesir, intau mita in Midian ain nopotaḷui kon i Yusup kon i Potipar, tobatú pogawai i datu inta pongawal Komaḻig.

KINOBAḺIAN 37:36 ပူးပေါင်းရင်းမြစ်များ

KINOBAḺIAN 37:28

bo naonda in tongonumai intau in Midian mododagang noitaḻib, ki Yusup pinoḷuaidon i guya-guyangnea mita nongkon bonu in parigí tatua bo pinotaḷui kon intau Ismael tatua, boḻinea in doyowa nopuḷú in doit saḷaka. Onda intua ki Yusup diniadon in podagang mita tatua minayá in Mesir.

KINOBAḺIAN 40:3

bo mosia in pinobonuneadon kon ponjara kon bonu in baḷoi moḷoḷukad kon komaḻig, kon tampat pinomonjaraan kon i Yusup.

KINOBAḺIAN 40:4

Noonggotbí doman in mosia kon ponjara tatua, bo itoi in moḷoḷukad kon komaḻig nobogoi in tugas kon i Yusup moindoi kon i monia.

KINOBAḺIAN 41:12

Tayowmobiag tobatú intau in Ibrani oyúon doman kon tua noyotakin nami. Sia oḻit in itoi in moḷoḷukad kon komaḻig tatua. Kaminda in nongonguman kon togoindop nami tua kon inia, bo pinotaauneadon in mangaḻe in togoindop naminda tatua.

DATU MITA 2 25:8

Kon singgai noginpitu buḷan iḻimanea kon bonu in taong impuḷú bosiownea kon pinomarentaan i Nebukadnezar datu in Babel, namangoidon in Yerusalem in intau tobatú inta ki Nebuzaradan in tangoinea. Sia in monononggina bo tongguḷu totokan in tontara i Nebukadnezar.

ESTER 1:10

Kon singgai impitunea, ki datu in nonginum nodapot in nosanangdon totok in ginanea. Tuamai in nogoiní in sia kon intaunea pitu inta nobaḻí bobantungnea tontaní; mosia tua in ki Mehunam, ki Bizta, ki Harbona, ki Bigta, ki Abagta, ki Zetar, bo ki Karkas.

MAZMUR 105:17

Táe Sia in nopotabá kon intau tobatú inumuna kon i monia, ki Yusup, inta ain pinotaḷui nobaḻí ata.

YESAYA 56:3

Intau ango-angoi inta dinumugang kon umat i Tuhan in diábí motaau in moguman, “ki Tuhan in diá nobogoi kon inakó mosumba kon i-Nia noyotakin in umat-Nea.” Intau inta kinabiri in diábí motaau morai “Akuoi in diábí motaau mobaḻí indugang in umat i Tuhan, sin Akuoi in diá mokouḻí kon buí.”

YEREMIA 39:9

Imbuitnea rayat inta kon kotápa, takin intau mita inta ain noḷagui bo dinumotá kon intau mita in Babel, inakut pinobayá in Babel i Nebuzaradan itoi in tontara in Babel.

DANIEL 2:14

Dá ki Daniel minayá nokipodungkuḷ kon i Ariokh, itoi in moḷoḷukad i datu, inta ain nosadia mopobayá in hukuman matoi tatua. Takin nokopoingat totok