KINOBAḺIAN 37:35 - Alkitab Singog In Mongondow Masa In Tanaa

³⁵ Bayongan i adínea, ḷoḷaki bo bobay namangoi nohibur bo nodondouḷug kon inia, táe sia in doí dondouḷugan, Gumannea, “Modapot in matoi umurankubí ombaḷan in sia.” Natuata in nobaḻí, ki Yakub umuran nongombaḷ sin ki Yusup ki adínea tatua.

KINOBAḺIAN 37:35 ပူးပေါင်းရင်းမြစ်များ

KINOBAḺIAN 31:43

Bo ki Laban notubag kon i Yakub, “Bobay doyowa tatua ki adíku; ki adí mita monia in akuoi doman kitogi, bo paanan in domba tatua kapunyaanku doman. Bo bayongan inta inontongmu kon naa akuoibí in kitogi. Táe diábí in motaauku aidan kon i adí bo ompuku tanaa.

KINOBAḺIAN 42:31

Táe kami in notubag, ‘Kami naa in intaubí mopia, deemanbí mata-mata, kami naa in intaubí motuḻid.

KINOBAḺIAN 42:38

Táe ki Yakub in noguman, “Diá! Ki Benyamin diábí motaau diaan monimu; ki guya-guyangnea ain minatoi bo tanaa dongkadon sia in oyúon. Dika-dika sia in mobodito doman kon binayáan tatua. Akuoi naa ain nogoguyang, bo robonoḷ in gina inta popoangoi monimu tua in mokopopisídon kon kopatoianku.”

KINOBAḺIAN 45:28

“Ki adíku ki Yusup nobiagpa!” gumannea. “Tongábí tuata in kinoibogku! Akuoi in mustibí mayá bo moindoi kon inia kon dodai in akuoi diápa matoi.”

KINOBAḺIAN 48:11

Bo ki Yakub in nogumandon kon i Yusup, “Totok bidon diá kon gina-ginaku mako kon buipa akuoi moyodungkuḷmu, táe tanaa ki Allah nobogoipa doman in wakutu kon inakó noyodungkuḷ i adímu mita.”

SAMUEL 2 12:17

Bo intau mita moḷoben kon komaḻig mayá kon inia sin modondouḷug sinbá simindogdon in sia, táe diá tarimaannea in mosia bo doí doman in sia mongaan moyotakin monia.

SAMUEL 2 12:23

Táe tanaa, naonda in sia minatoi, onupabí in mangaḻenea umuran in akuoi mopuasa? Degá mokobiag bui in akuoi kon inia? Kon singgai moiduduimai akuoibí in mayá in tampat inta binayáannea, táe tanaa in diábí in sia mamangoi bui kon inakó.”

SAMUEL 2 19:1

Pinotaaudon kon i Yoab kon ki Datu Daud in nongombaḷ bo nonogumatoi kon kinopatoian i Absalom.

TAWARIKH 1 7:22

Ki amá monia in nonogumatoi kon muḷoi in singgai dá ki utatnea mita in namangoi bo noḻipoi kon inia.

AYUB 2:11

Bodito inta noiantug kon i Ayub in kinodongogandon in yobayatnea taya toḷu, ki Elipas, nongkon kotá in Téman, ki Bildad intau in Suah bo ki Zopar intau in Naama. Mosia in noyopakat kon mayá moindoi bo moḻipoi kon inia.

MAZMUR 77:2

Noḷangon in pinokokuaniku kon i Allah; noḷangon in kuaniku, bo inindongogan-Nea in akuoi.

MAZMUR 77:3

Kon tungkuḷ in mororiga totok akuoi in nosambayang kon i Tuhan; kinoouput in doḷom tonggóonku in ḻimaku kon i-Nia takin diá angoian in bú, táe ginaku in doíbí ḻipoion.

MOHOHUTUBA 9:10

Aidaibí in bayongan oaidanmu podoyon kon bayongan ropotmu. Sin moiangoibí in kodaitan raian andeka oaidan. Diábí in ilimu andeka pandoi kon dunia in intau minatoi. Bo kon tuata in bayáanmu.

YEREMIA 31:15

Ki Tuhan in noguman, “Kon Rama kinodongogan in ombaḷ, bo amui inta takindon in ajar in gina. Ki Rahel in nongombaḷ kon i adínea mita, sia in doíbí ḻipoion sin diádon in mosia.