KINOBAḺIAN 37:34 - Alkitab Singog In Mongondow Masa In Tanaa

³⁴ Ki Yakub nomerak kon pakeangnea sin norobonoḷ totok in ginanea bo sia in nogiḷambung norondí. Pomuḷoi in singgai sia in mogamuimai mongombaḷ sin kinopatoian i adínea tatua.

KINOBAḺIAN 37:34 ပူးပေါင်းရင်းမြစ်များ

KINOBAḺIAN 37:29

Naonda in ki Ruben minayádon bui in parigí tatua bo diádon inontongnea in ki Yusup kon tua, binerakneadon in ḷambungnea, sin norobonoḷ in ginanea.

KINOBAḺIAN 42:38

Táe ki Yakub in noguman, “Diá! Ki Benyamin diábí motaau diaan monimu; ki guya-guyangnea ain minatoi bo tanaa dongkadon sia in oyúon. Dika-dika sia in mobodito doman kon binayáan tatua. Akuoi naa ain nogoguyang, bo robonoḷ in gina inta popoangoi monimu tua in mokopopisídon kon kopatoianku.”

KINOBAḺIAN 44:13

Nonakitdon totok in gina i guya-guyangnea mita dapot in mosia nomera-merakdon kon ḷambung monia. Mosia in buidon nopodatog in bahan mita monia kon keledai bo nobui kon kotá.

SAMUEL 2 1:11

Nokodongogmai kon tua in ki Daud, nomerak in sia kon ḷambungnea sin pinongoibú, bo bayongan in intaunea nomia domandon natua.

SAMUEL 2 3:31

Onda intua ki Daud nomarenta kon i Yoab takin intaunea mita sinbá momisí kon ḷambung monia, bo moḷutud kon ḷambung in pinonogumatoian bo mogamui sin kinopatoian i Abner. Bo kon dodai in nogatod kon mayat, ki Datu Daud in minayá doman kon tumimai in poti in mayat.

DATU MITA IMITÁNEA 20:31

Porwiranea mita in namangoi kon inia bo noguman, “Guman in intau, datu mita in Israel in datu mita inta oyúon kototabi. Tuamai, ogoiaipa in wakutu in kami mayá kon tayowon i datu in Israel takin momaké in sosapi nobaḻí tomponuot kon nomanasaḷdon bo tontogot kon sigogow in nobaḻí tomponuot kon sinaḷowdon. Igumon mako diá ḻimodonnea in ki Tuang datu.”

DATU MITA IMITÁNEA 21:27

Naonda in ki Elia nopaḷut nosingog, ki Ahab nomerak kon ḷambungnea bo nomaké in sosapi nobaḻí tomponuot kon nomanasaḷ, bodongka nopuasa. Kon mosiugkabí in sia yo momakébí doman in sia in sosapi, bo aka mayá, pogotnea in umurandon molamurú.

DATU MITA 2 19:1

Kon dodai in ki Datu Hizkia nokodongog kon habar in intaunea toḷu tatua, nomerak in sia kon ḷambungnea bo nomaké in sosapi nobaḻí tomponuot kon morobonoḷ in dodobnea, bo minayá kon Baḷoi i Tuhan.

DATU MITA 2 2:12

Inontong i Elisa intua bo nomaḷú in sia, “Elia, Amáku! Amáku! Moḷoḷukad kon Israel inta motorindog! Diádon in ki Amá!” Dá diádon inontong i Elisa in ki Elia. Takin robonoḷ in dodob ki Elisa nomerak kon jubahnea nosilai doyowa,

DATU MITA 2 22:11

Nokodongogmai kon bonu in buk tatua, ki datu in nomera-merak kon ḷambungnea sin norobonoḷ in ginanea.

TAWARIKH 1 21:16

Inontong i Daud in malaekat tatua iḷumayug magí mako kon toḷungayá takin kokada-kadai in kedang, malaekat tatua in nosadiadon moyopú kon Yerusalem. Dá ki Daud bo itoi mita in rayat, inta kon dodai in tua nogiḷambung in karong nobaḻí tomponuot kon nomanasaḷ, sinumungkud kon butá.

TAWARIKH 1 7:22

Ki amá monia in nonogumatoi kon muḷoi in singgai dá ki utatnea mita in namangoi bo noḻipoi kon inia.

NEHEMIA 9:1

Kon singgai in doyowa nopuḷú bo opat kon buḷan doman tatua, rayat in Israel noyosipun. Mosia in nopuasa sin moponiata kon mosia in nomanasaḷdon in nogaid kon dosa mita. Mosia in sinumondí kon intau mita ango-angoi. Nobaḻí tomponuot kon noajar in gina, nogibintoḷ in mosia bo nopoinggú in ḷobud kon uḷu. Onda intua sinimindog in mosia bo nongaku kon bayongan in dosa monia bo dosa in mogoguyang monia.

AYUB 1:20

Bo sinimindogdon in ki Ayub bo nomerak kon ḷambungnea nobaḻí tomponuot kon ponogumatoian. Nongarug in sia kon buoknea, bo sinumungkud

AYUB 16:15

Akuoi in nogiḷambung in kinopatoian nobaḻí tomponuot kon morobonoḷ in dodob, bo iḻimitú kon tudu in ḷobud sin sinaḷow.

AYUB 2:12

Táe naonda in inontong monia nongkon noyayú, gogió bo diádon kinotaauan monia. Mosia in nongombaḷ noropot bo nomerak kon ḷambung monia poḷat noponabud in ḷobud kon toḷungayá bo kon uḷu.

MAZMUR 69:11

Nongombaḷ in akuoi bo nopuasa, táe mosia in noningkuḻe kon inakó.

YESAYA 32:11

Nodapot in tanaa mako moiko in nobiagpa nosanang noiḷuat nongkon roriga. Táe tanaa, mourotdon sin moondok! Ḷongkutdon in ḷambungmu bo pogibingkoḷotdon in bintoḷ ponogumatoian.

YESAYA 36:22

Dá ki Elyakim, ki Sebna bo ki Yoah nomerak kon ḷambung monia nobaḻí tomponuot moajar in gina, bo minayá nopotaau kon i datu onu inta ain pinoguman in porwira in Asyur tatua.

YEREMIA 36:24

Umpaka ki Elnatan, ki Delaya, bo ki Gemarya nopoigum totok sinbá ki datu diá motubá kon ḻitodan in buk tatua, táe doíbí in sia nokidongogmai kon i monia. Pinomayá datu andeka pojabat inta nokodongog kon tombonu in buk tatua diábí inangoian in ondok andeka inagían in manasaḷ.

YEREMIA 48:37

Mosia komintan in nongarugdon kon buok kon uḷu bo tampeng, nonongkekeb kon kokaḷ, bo nogidaingdon in karong nobaḻí tomponuot kon norobonoḷ in gina.

YOËL 2:13

Bisi-bisídon in ginamu deemanbí ḷambungmu!” Pobuidon mangoi kon i Tuhan Allahmu. Sia in totuu kon mosabar bo motabi mopia in gina bo nopuḻing in tabi. Mopia in gina-Nea in mongampung bo doí mopobayá in hukuman.

MATIUS 11:21

Ki Yesus noguman, Koboditodon iko Korazim! Koboditodon iko Betsaida! Sin aka intau in Tirus bo Sidon in nokoontong kon soaḷ mita inta mokoherang inta ain nobaḻí kon yua-yuak monimu, yo noonggotdon in mosia in nogogai nogaid kon dosa mita monia takin nomaké in ḷambung kinopatoian.

MATIUS 26:65

Nokodongogmai kon tua, ki imang moḷoben nomerak kon ḷambungnea, bo nosingog, “Sia in noningkuḻe kon i Allah! Diá bidon paraḷu in kita motayak kon sakusi ibanea. Moiko tontaní in nokodongogdon kon tosingogon inta pinoningkuḻe-Nea kon i Allah.

OUMAN IN RASUL MITA 14:14

Naonda in ki Paulus bo i Barnabas nokodongog kon onu inaidan in intau mita tatua, nomera-merak in mosia kon ḷambung monia bo sindaḷan noribatuk minayá irumuak kon intau moantó tatua, bo nomaḷú,

YOSUA 7:6

Noajar totok in gina i Yosua bo gina in itoi mita in umat Israel dá mosia nomera-merakdon kon pakeang monia, bo kino ouputdon in singgai dapot in doḷom mosia sinumungkud kon tayowon in Poti Dodandian i Tuhan poḷat nopoinggú in ḷobud kon uḷu monia nobaḻí tompoingat kon noajar totok in gina monia.

WAHYU 11:3

Akuoi in mopotabá in sakusi-Ku doyowa inta mogiḷambung in ḷambung intau kinopatoian, bo mosia mopoumum in habar i Allah solama toribu bodoyowa nogatut bo onom nopuḷú nosinggai in koonggotnea.”

HAKIM MITA 11:35

Naonda in inontong i Yepta in sia, noajardon totok in gina i Yepta dá sia nomisi-misídon kon ḷambungnea, poḷat noguman, “Kaasí adíku, morumbundon in dodobku! Nongonu sin mustibí iko in mokororiga totok kon ginaku? Akuoi ain nongibot kon i Tuhan, bo diá bidon intua motaauku inggamáan bui!”