KINOBAḺIAN 37:27 - Alkitab Singog In Mongondow Masa In Tanaa

²⁷ Igai bá potaḷuidon naton in sia kon intau in Ismael tatua. Dikadon rorigaan naton in sia. Naondaka in sia táe ki ai-aibí doman naton tontaní in sia.” Ki utatnea mita noyopakatdon kon tosingogon tatua,

KINOBAḺIAN 37:27 ပူးပေါင်းရင်းမြစ်များ

KINOBAḺIAN 29:14

Ki Laban in noguman, “Totuu, kon iko nion in ginaḷumku inta modagin totok.” Ki Yakub nogutun kon baḷoi tatua notompodon in tobuḷan.

KINOBAḺIAN 37:22

“Bonuondon naton in sia kon parigí kon padang gurun tanaa, táe donaai bongkugon ande donaai tompaḻían naton in sia.” Tua in pinogumannea sin sia monomayá moposaḷamat kon i Yusup bo mopotabá bui mayá in baḷoi amánea.

KINOBAḺIAN 42:21

Bo noyosingogdon in mosia, “Totu-totuu kon tanaadon mako kita ihukum popisí in taḷá naton kon i ai-ai naton koḻipod; sia in nokituḷung táe diá pinandungmai naton, umpaka indoian mako naton kon totokdon in mororiga in sia. Tuamai tanaa mako kita in motarimadon kon roriga tanaa.”

KINOBAḺIAN 50:20

Moiko ain noyopakat sin mogaid kon inta moraat kon inakó, táe ki Allah ain nomaḷui kon inta moraat tua nobaḻí kopiaan, sinbá pinongin onu inta ain nobaḻí koḻipod tua mobayong intau inta nobiag masai naa in motaau posaḷamaton.

SAMUEL 2 12:9

Nongonu sin iko in diábí noindoimai kon parenta-Ku mita? Nongonu sin inaidanmubí in moraat ná tatua? Ki Uria in pinoki ḻimodmubí kon bonu in parang; pinomayámudon mako in sia iḻimod in intau in Amon, bo ginamámu in ki buḷoinea!

NEHEMIA 5:5

Kami naa in intaubí doman in Yahudi! Ki adí nami in notongkaibí doman in adí mita in Yahudi inta ibanea! Umpaka natua táe nopakisadon in kami mopomayá mako kon i adí mita nami mobaḻí ata. Nodapot in oyúon in ki adí nami bobay in pinotaḷuidon nobaḻí ata. Kami in diá kodaya sin gobá in tudunea bo gobá in anggur nami in pinotomoyódon nami.”

NEHEMIA 5:8

bo noguman, “Takin ḻimbatú in ropot kita in notobutdon kon i utat mita naton intau in Yahudi inta pakisa nopotaḷui in awaknea kon bangusa ibanea. Táe tanaa in moikodon in momakisa kon i monia mopotaḷui in awaknea kon i monimu, bokaka moiko doman in intau Yahudi!” Itoi mita tatua in diá nokotubag umpaka tongá totontagá.

IḶUAIAN 21:16

Ki ine in monangag kon intau tobatú, musti hukumon matoi, pinomayá intau tatua ain pinotaḷuinea ande kon baḷoineapa.

IḶUAIAN 21:21

Táe aka ata tatua diá minatoi kon bonu in tosinggai ande doyowa nosinggai, yo ki tuangnea tua in diábí hukumon. Karugian inta kinorasaannea popisí in kinobuḻiandon in atanea, tuata in nobaḻí hukuman kon inia.

MATIUS 16:26

Onubí in baragunanea aka intau mokouḻí kon bayongan inta koibognea kon dunia naa, táe sia in matoi?

MATIUS 26:15

Bo noḻibó, “Onu in ogoi monimu kon i nakó, aka Sia posarakanku kon i monimu?” Dá inogoian monia in doit saḷaka toḷu nopuḷú in sia.

TIMOTIUS 1 1:10

pinopomakusud doman kon i monia inta mokotor in oaid, kon i monia inta mongibog kon tumpaḷa ḷoḷaki, kon i monia inta banselang, kon i monia inta mongouboḷ bo kon i monia inta umuran mongonguman kon diá totuu, bo oaid mita inta diá kinoibog in totundú inta mobanar.

WAHYU 18:13

Kuḻit in kayu manis, pododungú mita, bahan mita mobondu, taḷong mobondu bo kamania, anggur bo ḷana, topong bo gandum; sapi, domba, kabaḷo bo kereta, ata mita, nodapot kon nyawa in intau.

SAMUEL 1 18:17

Ki Saul nonomayá kon bá ki Daud ḻimodon in intau in Pilistin kon bonu in parang sinbá deemandon sia tontaní in moḻimod kon inia. Dá kon singgai tobatú noguman in ki Saul kon i Daud, “Ki Merab ki adíku bobay guya-guyang, potonibuḷoiku takinmu, asaḷ bo poontongmupa in koḷoḷakimu kon bonu in parang sin kopontingan i Tuhan.”