KINOBAḺIAN 37:22 - Alkitab Singog In Mongondow Masa In Tanaa

²² “Bonuondon naton in sia kon parigí kon padang gurun tanaa, táe donaai bongkugon ande donaai tompaḻían naton in sia.” Tua in pinogumannea sin sia monomayá moposaḷamat kon i Yusup bo mopotabá bui mayá in baḷoi amánea.

KINOBAḺIAN 37:22 ပူးပေါင်းရင်းမြစ်များ

KINOBAḺIAN 22:12

“Donaai yoyigaanmu in adí tanion ande donaaidon yagi-yagionmai in sia,” guman tuhan pinongin malaekat tatua. “Tanaa in kinotaauan-Kudon kon iko in totokbí in mohoromat bo motoindudui kon i-Nakó, popisí in iko diábí nonolak in nobogoi kon i adímu tuḷong tua kon i-Nakó.”

KINOBAḺIAN 37:21

Ki Ruben nokodongog kon tomayá monia tatua, dá sia in moramuji moposaḷamat kon i Yusup. “Dika ḻimodon in sia,” gumannea.

KINOBAḺIAN 37:23

Naonda in ki Yusup noyaput kon i guya-guyangnea, takin sampuradu in mosia noḷongkut kon jubah i Yusup inta totuu mogaga tua.

KINOBAḺIAN 42:22

Ki Ruben in notubag, “Kinotaauan bidon monimu kon koḻipod ain pinogumanku kon i monimu sinbá adí tatua donaai yagi-yagionmai. Táe moiko in doí mokidongog. Dá tanaa kinopatoiannea in potuḻídon kon inaton.”

IḶUAIAN 24:11

Itoi mita Israel tatua aindon nokoontong kon i Allah; umpaka natua yo mosia in diábí iyopú-Nea. Nopaḷut mako kon tua mosia nongaan bo nonginumdon.

MATIUS 27:24

Naonda in kinotaauan i Pilatus kon diádon sia mokobayow kon i monia tua, nodapot in momangkoidon mokacau totok, dá sia in nogamá kon tubig bo nonomok kon tayowon in intau moantó bo noguman, “Diábí in taḷáku kon dugú in intau tanaa! Tua in urusanbí monimu tontaní!”

OUMAN IN RASUL MITA 12:1

Kon wakutu intua ki Datu Herodes nomangkoidon momogutú kon bayongan jamaat.

ULANGAN 13:9

Sia in musti ara bo in batu modapot in matoi. Ikobí in musti momangkoi mogandur in batu kon inia, bo duduian in bayongan intau. Intau inta kotaḷá tatua musti ḻimodon, sin sia in moibog mopoyayú kon i monimu nongkon i Tuhan Allahmu inta nopoḷuat kon inaton nongkon pinononggataan kon Mesir.