KINOBAḺIAN 37:18 - Alkitab Singog In Mongondow Masa In Tanaa

¹⁸ Nongkon moyayúpa inontongdon monia in ki Yusup, bo kon dodai in sia diápa nodapot kon i monia, mosia in noyosingogdon kon moḻimod kon inia.

KINOBAḺIAN 37:18 ပူးပေါင်းရင်းမြစ်များ

KINOBAḺIAN 27:41

Dá ki Esau nosaturudon kon i Yakub pinopisí in ki amánea ain nobogoi in barakatnea kon i ai-ainea tatua. Kon bonu in raiannea, “Diádon moonggot bo ki amánea in matoi bo bain mopaḷut mako kon kopatoian, ki Yakub ḻimodonku!”

KINOBAḺIAN 37:19

Mosia nosigumanan tobatú bo tobatú, “Indoiaika, ki totumogoindop tatua nion taya-tayamangoi.

KINOBAḺIAN 50:15

Naonda in ki amá monia minatoi, ki guya-guyang mita i Yusup in noguman, “Naonda-ondadon mako aka kuma ki Yusup umuran motagú mako kon gina bo moibog monuḻí kon aid moraat naton koḻipod?”

KINOBAḺIAN 50:20

Moiko ain noyopakat sin mogaid kon inta moraat kon inakó, táe ki Allah ain nomaḷui kon inta moraat tua nobaḻí kopiaan, sinbá pinongin onu inta ain nobaḻí koḻipod tua mobayong intau inta nobiag masai naa in motaau posaḷamaton.

MAZMUR 105:25

Binaḷuian-Nea in gina in intau in Mesir dá noyaatdon in gina monia kon umat-Nea bo sinombogádon monia in mogogundoi-Nea mita.

MAZMUR 109:4

Mosia in moponapud kon inakó, umpakabí akuoi motabi kon i monia, bo ain sinambayanganku in mosia.

MAZMUR 31:13

Akuoi in iḻiongdon naonda bo intau minatoi, bo nádon onda bo pakakat inta iḷumbú.

MAZMUR 31:14

Kon ondaka umuranbí oyúon in mokokoningkim; dongogonku in yogombong mita in musungku. Mosia in moyopakat moḷawang kon inakó, bo momia kon tomayá sin moḻimod kon inakó.

MAZMUR 37:12

Intau moraat in monomayábí kon inta moraat kon intau mopia, bo mobobui kon inia takin yaat in gina.

MAZMUR 37:32

Intau mopia tarapon mako in intau moraat inta motayak kon kasampatan moḻimod kon inia.

MAZMUR 94:21

Mosia in noyopopog monayow kon intau motuḻid, bo mopoḷabú in hukuman matoi kon intau inta diá kotaḷá.

MATIUS 21:38

Táe naonda inontong in mototomoyó mita tatua in ki adínea tatua, mosia noguman, ‘Sia naa inta mowaris kon gobá tanaa, maní bo ḻimodon naton sia, sinbá gobá tanaa moiḷabúdon kon i naton!’

MATIUS 27:1

Naonda in modiugdon mobayag, bayongan imang itoi bo guhanga in ḻipú intau in Yahudi noyosipun bo nonantúdon kon moḻimod kon i Yesus.

MARKUS 12:7

Táe nokoontongmai in mototomoyó mita tatua kon adí tatua, nosigumanan in mosia, ‘Sia tanaa inta mowaris kon kapunyaan tanaa. Koḻigai bá ḻimodon naton in sia, bá moiḷabúdon kon i naton in gobá tanaa!’

MARKUS 14:1

Singgai moḷoben Paska bo Poramean kon Singgai in Roti Diá Koragi dongkadon doyowa nosinggai. Imang mita itoi bo mototundú mita kon agama umurandon motayak kon daya naonda in pododomok kon i Yesus bo ḻimodon, táe umuni-uni.

YOHANES 11:53

Mulaidon singgai tua itoi mita in Yahudi noyopakat kon moḻimod kon i Yesus.

OUMAN IN RASUL MITA 23:12

Doḷo-doḷom nobangon monik, intau mita in Yahudi nomangkoidon nosipun kon intau. Bo mosia in nongibot kon diápabí mopongaa-ngaan andeka moponginu-nginum aka ki Paulus in diápa koḻimodan monia.

SAMUEL 1 19:1

Ki Saul noguman kon i Yonatan adínea ḷoḷaki, bo kon bayongan pogawainea kon moibog in sia moḻimod kon i Daud. Táe ki Yonatan in motabi totok kon i Daud,