KINOBAḺIAN 37:14 - Alkitab Singog In Mongondow Masa In Tanaa

¹⁴ Guman i amánea, “Indoiaipa in kaadaan i guya-guyangmu bo paanan in bembé domba, bo bui angoi potaau kon inakó.” Dá pinotabáneadon in ki Yusup minayá nonaḷámai kon Ḷopá in Hebron. Diá noonggot kon tua nodapotdon in ki Yusup kon Sikhem.

KINOBAḺIAN 37:14 ပူးပေါင်းရင်းမြစ်များ

KINOBAḺIAN 13:18

Onda intua ki Abram nomamping kon ḷoḷaigannea bodongka nogutun notantú kon diug in pangkoi in kayu mita karamat tampat pososumbaan kon Mamre kon diug in Hebron, bo kon tua sia in noposindog in Mezbah kon i Tuhan.

KINOBAḺIAN 23:19

Nopaḷut mako kon tua ki Abraham noḷobongdon kon i Sara ki buḷoinea kon bonu in angob Makhpela kon butá in Kanaan.

KINOBAḺIAN 23:2

sia in minatoi kon Hebron kon butá in Kanaan. Norobonoḷ totok in gina i Abraham kinopatoian i buḷoinea tua, sia in nongombaḷ.

KINOBAḺIAN 29:6

“Naonda in kaadaannea?” ki Yakub noḻibó bui. “Nosehatbí mako,” tubag monia. “Indoiai, tua in ki adínea bobay inta tangoinea ki Rahel. Namangoi in sia nodia kon paanan bembé domba i amánea.”

KINOBAḺIAN 35:27

Bo noyaputdon in ki Yakub kon i Ishak ki amánea, kon tampat pinogutunannea kon Mamre kon diug in Hebron. (Koḻipod ki Abraham inta ki ḷakinea, nogutun doman kon tua).

KINOBAḺIAN 37:15

Kon dodai in ki Yusup minayá magí-mako kon tampat popokaanan in bobiagon, sia noyodungkuḷ in tobatú intau ḷoḷaki inta noḻibó kon inia, “Onu in tayakonmu?”

KINOBAḺIAN 41:16

Ki Yusup in notubag, “Deemanbí akuoi bobantung tanaa, Tuangku, táe ki Allahbí in moginsilang kon mangaḻe in togoindop i Tuang.”

KINOBAḺIAN 43:27

Ki Yusup noḻibó kon kaadaan monia, bo noguman, “Moiko ain nongonguman kon inakó soaḷ ki amá monimu inta ain nogoguyang tua. Naonda in kaadaannea, Nopia-pia degá?”

SAMUEL 2 11:7

Naonda in ki Uria namangoi kon tayowon i Datu Daud, ki datu in noḻibó mongo naonda in kaadaan i Yoab takin tontara mita in Israel, bo naonda in bobayá in parang tatua.

SAMUEL 2 18:32

Ki datu noḻibó kon inia, “Nosaḷamat degá in ki Absalom inta nobagupa in kinobiagannea?” Bo ata tatua in notubag, “Igumon mako in bayongan in musung i Tuang datu, bayongan intau inta nomarontak kon i Tuang Datu in mokorasa doman kon ná inta kinorasaan in intau inta nobagupa in kinobiagan tua.”

DATU MITA IMITÁNEA 2:33

Hukuman popisí in kinopatoian in porwira doyowa tatua in ki Yoabdon bo buínea in umuran mobaba. Táe bayongan buí i amáku inta mobaḻí datu, in umuranbí barakatan i Tuhan – mosia in mobiagbí motompia.”

ESTER 2:11

Pomuḷoi in singgai ki Mordekhai modondaḷoi kon palas kon tayowon in komaḻig in bobay tatua sin moḻibó kon kaadaan i Ester bo onu in nobaḻí kon inia.

MAZMUR 125:5

Táe intau inta motombogá igumon mako in hukumon i Tuhan poyotakinon in intau moraat. Igumon mako umat-Mu mobiag motompia!

YEREMIA 29:7

Pogaidon sinbá motompia in kotá mita inta pinoḷumbúan-Ku kon i monimu. Posambayangdon kon i-Nakó sin kopontingan in kotá mita tatua, sin aka kotá mita tatua mobiag mooyúon, yo moiko in mobiagbí doman mooyúon.

PINOGIAPAN 13:22

Muna-munamai mosia minayá kon dotá in toḷatan butá tatua bo noiyaput kon kotá in Hebron, tampat pinogutunan in intau mita in Ahiman, Sesai bo Talmai, buí i Enak. Hebron pinosindog noiuna pitu notaong nongkon kotá in Zoan kon Mesir.

LUKAS 19:42

Bo poḷat nosingog, “Kaasí uḻe, mopiadon totok aka singgai in naa bo kotaauanmudon in onu inta motaau mokopoangoi kon dodamean! Táe tanaa iko in diábí mokoontong.

YOSUA 14:13

Dá ki Yosua in nomarakat kon i Kaleb adí i Yepune, bo nobogoi kon inia in kotá in Hebron nobaḻí butá kapunyaannea.

YOSUA 14:14

Dapot in tanaa mako kotá tatua umuranpabí nobaḻí kapunyaan budel in buí i Kaleb adí i Yepune, intau in Kenas tatua, sin sia in notoḷutui bo notoindudui kon i Tuhan, Allah in Israel.

YOSUA 14:15

Koḻipod in Hebron sinangoi kotá in Arba. (Arba in intau mita inta totok in mongoḷoben nongkon sigad in bangusa in Enak.) Dá butá tatua in noamandon bo nobiag nosanang sin diádon bui sinuyayow in parang.

HAKIM MITA 1:10

bo kon kotá in Hebron, kotá inta dungkuḷmai sinangoian Kiryat-Arba. Kon tua intau in Yohuda nonaḷow kon inanakan in Sesai, Ahiman bo Talmai.

SAMUEL 1 17:22

Bo pinoki tagúpa i Daud in onu inta dinianea tatua kon intau inta moḷoḷukad kon touḷut in tontara, bo minayá in tampat popoparangan sin mayá mokipodungkuḷ kon i guya-guyangnea mita.