KINOBAḺIAN 36:31 - Alkitab Singog In Mongondow Masa In Tanaa

^31-39 Kon dodai in diápa in datu nomarenta kon Israel, datu mita inta noiduduimai tanaa nomarenta kon butá in Edom noyo-noyodudui: Ki Bela ki adí i Beor kon i Dinhaba. Ki Yobab ki adí i Zera nongkon i Bozra. Ki Husyam nongkon butá in Téman. Ki Hadad ki adí i Bedad nongkon Awit (sia tuata inta nonaḷow kon intau in Midian tungkuḷ in noparang kon butá in Moab). Ki Samla nongkon Masreka. Ki Saul nongkon Rehobot inta kon bingkí in ongkag. Ki Baal-Hanan ki adí i Akhbor. Ki Hadar nongkon Pahu (Tangoi buḷoinea in ki Mehetabeel, ki adí i Matred inta ki ompu i Mezahab).

KINOBAḺIAN 36:31 ပူးပေါင်းရင်းမြစ်များ

KINOBAḺIAN 17:16

Barakatan-Ku in sia bo sia in mopononggadí in adí ḷoḷaki tobatú inta ogoi-Ku kon inimu. Totuu, Akuoi in momarakatbí kon i Sara, bo sia in mobaḻí mogoguyang bobay in bangusa mita. Kon sigad in buínea oyúon in mobaḻí datu mita.”

KINOBAḺIAN 17:6

Akuoi in mobogoi kon inimu in adí bo ompu inta mobarong, bo kon sigad monia tua oyúon in mobaḻí datu mita. Buímu in mobaḻí moantó totok, dapot in mosia mobaḻí bangusa mita.

KINOBAḺIAN 25:23

Ki Tuhan noguman kon inia, “Doyowa nobangusa nion kon bonu in sianmu; iko mopononggadí in bangusa doyowa inta mososaturuan; ai-ai in moropo-ropot nongkon guya-guyang inta guya-guyang mobaḻí bobantung in ai-ai.”

KINOBAḺIAN 35:11

Bo ki Allah in noguman doman, “Akuoibí naa in ki Allah Inta Totok in Mokawasa. Pononggadí bo pononggompudon inta kobarongon! Nongkon inimu momukádon in bangusa mita bo mobaḻí mogoguyang in datu mita.

PINOGIAPAN 20:14

Onda intua nongkon Kades, ki Musa nopotabá in totabá mita sin mayá mokipodungkuḷ kon i datu in Edom. Guman monia, “Kami in nongkon suku mita in Israel inta oyúonpa in tondoḷ in kompong i Tuangku. Degá kinotaauan bidon i Tuangku in yoyiga inta noiantug kon inami.

ULANGAN 33:29

Kosanangdon in iko, ei Israel! Diábí in bangusa ná iko pinosaḷamat i Tuhan. Ki Tuhan in naonda bo pitow bo oḻingoi kon inimu; sin moduḷu kon inimu bo mobogoi in kauntungan kon inimu. Musungmu mita in mamangoibí mokikotabimai, bo iko in totokbí in moritak kon i monia.”

ULANGAN 33:5

Kon dodai in Israel noyosipun takin itoinea mita, ki Tuhan in nobaḻí Datu kon umat-Nea.”