KINOBAḺIAN 36:24 - Alkitab Singog In Mongondow Masa In Tanaa

²⁴ Ki Zibeon kogadí kon adí ḷoḷaki doyowa, ki Aya bo ki Ana. (Ki Ana naa inta nokouḻí kon bokaká mita in tubig mopatú kon padang gurun, kon tungkuḷ in sia koyogot mopokaan in keledai mita i amánea.)

KINOBAḺIAN 36:24 ပူးပေါင်းရင်းမြစ်များ

KINOBAḺIAN 36:2

Ki Esau nonika takin bobay intau in Kanaan toḷu: ki Ada, ki adí i Elon intau in Het; ki Oholibama, ki adí i Ana bo ki ompu i Zibeon intau in Hewi;

KINOBAḺIAN 36:23

Naa in ki adí mita i Syobal: Ki Alwan, ki Mahanat, ki Ebal, ki Syepo bo ki Onam.

KINOBAḺIAN 36:25

Ki Ana naa ki amá i Disyon, bo ki Disyon ki adínea in ki Hemdan, ki Esyban, ki Yitran bo ki Keran. Ki Ana kogadí doman kon adí bobay tobatú, tangoinea ki Oholibama.

SAMUEL 2 13:29

Bobantung mita tatua nogaid kon onu in pinoki aid i Absalom, bo iḻimodon monia in ki Amnon. Nokoontongmai kon natua in ki adí mita ḷoḷaki i Daud ibanea baḷúdon sinumakoi kon bagal monia kon batúannea bo noḷagui.

SAMUEL 2 18:9

Kon dodai in ki Absalom sinumakoi kon bagalnea, bo daḻídon in sia noyodungkuḷ in intau i Daud. Bagal tatua in sinumaḻib kon pangkoi in kayu inta moḷoben táe noompá, dá noiandupdon in uḷu i Absalom kon tanganea tobatú. Bagalnea tatua in noribatukdon turus táe ki Absalom in kinotaḷáan bo noitadangdon mako kon tua.

DATU MITA IMITÁNEA 1:38

Dá ki Zadok, ki Natan, ki Benaya bo moḷoḷukad i datu nogumandon kon i Salomo kon tumakoidon kon bagal i datu, bo dinia monia minayá in bokaká in tubig in Gihon.

DATU MITA IMITÁNEA 1:44

Ki Zadok, ki Natan, Benaya bo moḷukad i datu aindon pinotabá nonakin kon i Salomo. Mosia ain nopotakoi kon inia kon bagal i datu,

DATU MITA IMITÁNEA 4:28

Komintan bupati in mobogoi doman in makeang bo bonok sin pokaan kon bayongan kabaḷo i Salomo, pinomayá kabaḷo totakoian andeka mogogugut kon kereta. Kaanon in biag mita tatua diaan pobayá in ḷantung mita in kabaḷo kinobobayongbí inta paraḷuon.

IMAMAT 19:19

Duduiaidon in parenta-Ku mita. Dika mopoyobuḷoi in mahaḷuk inta noyoposi in batangannea. Dika mopomuḷa in doyowa norupa in bibit kon gobá tobatú. Dika moḷutud kon pakeang inta pinomia nongkon siningkoi doyowa inta noyoposi.

ZAKHARIA 14:15

Panyaki doman tobatú inta totok in mokoondok in moitugat doman kon kabaḷo, bagal, unta bo keledai, bo bayongan in mahaḷuk kon ḷoḷaigan in musung.

ULANGAN 2:10

Tungkuḷ intua Ar iḻitúan intau in Emim. Mosia tua in mongoḷoben bo mongoḷantud, notongkai in intau mita in Enak, bo bangusa in tuyá.