KINOBAḺIAN 35:8 - Alkitab Singog In Mongondow Masa In Tanaa

⁸ Kon tua doman ki Debora, tobatú moḷoḷukad kon i Ribka, minatoi bo iḷobong kon siungon pangkoi in kayu moḷoben inta kon dotá in toḷatan kotá tatua. Tuamai pangkoi in kayu tatua sinangoian “Pangkoi Moḷoben Pinongombaḷan”.

KINOBAḺIAN 35:8 ပူးပေါင်းရင်းမြစ်များ

KINOBAḺIAN 24:59

Dá inogoidon monia in ki Ribka minayá bo sinakinan in intau inta moḷoḷukadnea. Mosia in minayá noyotakin in bobantung i Abraham bo intaunea mita. Bo ki Ribka in binarakatan monia, nanaa, “Poigumon mako iko, Ribka mobaḻí ki iná in ribuan intau! Poigumon mako buímu monaḷow kon bayongan kotá mita in musungnea!”

TAWARIKH 1 10:12

intau mita inta totok in mongobarani kon sigad monia in minayá nogamá kon mayat i Saul bo i adínea mita ḷoḷaki bo dinia monia kon Yabesh. Iḷobong monia in tuḷannea mita kon siungon in pangkoi in kayu moḷoben onda intua mosia nopuasa pitu nosinggai in koonggotnea.

HAKIM MITA 2:1

Malaekat i Tuhan nongkon Gilgal minayá in Bokhim bo noguman kon intau mita in Israel, “Akuoi ain nopoḷuai kon i monimu nongkon Mesir, bo nodia kon i monimu sinumuot kon butá inta pinodandi-Ku kon mogoguyang monimu. Ain doman pinoguman-Ku, ‘Dodandian-Ku takin i monimu in diábí bontowon-Ku.

HAKIM MITA 2:5

Manangka intua tampat tatua in sinangoian Bokhim. Bo kon tampat tatua intau mita in Israel noposumba in kuruban kon i Tuhan.

HAKIM MITA 4:5

Ki Debora in biasamai ḻimitú mako kon siungon in pangkoi in kurma, kon sigad in Rama bo Betel, kon buḷud in Epraim. Bo kon tuata in intau mita in Israel mamangoi mopoigum in tonggina kon inia.

SAMUEL 1 10:3

Ki Samuel in noguman bui, “Nongkon tua iko in mongingguput kon bobayáanmu modapot kon pangkoi in kayu tampat pooibadaan kon Tabor. Kon tua iko in moyodungkuḷ in intau ḷoḷaki taya toḷu inta mopobayá in Betel sin moposumba in kuruban kon i Allah. Intau tobatú in nodia kon ki adí in bembé toḷu, inta tobatú doman in nodia kon roti toḷu, bo inta tobatú doman in nodia kon botutu kuḻit inta kon bonu in anggur.

SAMUEL 1 31:13

Bayongan in tuḷannea sinipun bo iḷobong kon siungonmai in pangkoi in tamariska kon kotá tatua. Onda intua nopuasadon in mosia pitu nosinggai in koonggotnea.