KINOBAḺIAN 35:7 - Alkitab Singog In Mongondow Masa In Tanaa

⁷ Kon tua ki Yakub noposindog in mezbah bo sinangoiannea in tampat tatua “El-Betel”. sin ki Allah ain nokipogontong kon inia kon tua kon dodai in sia noḷagui kon i guya-guyangnea.

KINOBAḺIAN 35:7 ပူးပေါင်းရင်းမြစ်များ

KINOBAḺIAN 12:7

Ki Tuhan nokipogontong kon i Abram bo noguman kon inia, “Tanaa in butá inta ogoi-Ku kon buímu.” Bo ki Abram noposindog in tobatú mezbah kon tua sin posumbaan kon i Tuhan inta ain nokipogontong kon inia.

KINOBAḺIAN 12:8

Nopaḷut mako kon tua sia nongingguputdon kon bobayáannea nopobayá in toḷatan, kon butá inta notombu-tombuḷud kon dotá in pomukaan kon kotá in Betel, bo nogaid kon ḷoḷaigan kon sigad in Betel bo kotá in Ai: Betel kon dotá in toyopan bo Ai kon dotá in pomukaan. Kon tua sia in noposindog doman in mezbah tobatú bo nosumba kon i Tuhan.

KINOBAḺIAN 28:10

Ki Yakub nonaḷámai kon Bersyeba bo minayá in Haran.

KINOBAḺIAN 28:13

Bo kon diugneamai sinimindogdon in ki Tuhan bo noguman, “Akuoi naa in ki Tuhan, Allah inta sinumba i Abraham bo i Ishak. Akuoi in mobogoi kon inimu bo kon buímu in butá tampat inta pinosiuganmu tanaa.

KINOBAḺIAN 28:17

Sia inagíandon in ondok bo noguman, “Totokbí in mokoondok in tampat tanaa! Pastibí kon tanaa in baḷoi i Allah, ngara in soroga.”

KINOBAḺIAN 28:19

Tampat tatua sinangoiannea Betel. (Koḻipod tangoinea Lus.)

KINOBAḺIAN 28:22

Bo akuoi in mobogoi kon i Tuhan mopuḷú noporsen nongkon bayongan in yagi-yagi inta inogoi i Tuhan kon inakó. Batu tompoingat inta pinosindogku tanaa in mobaḻí tampat posumbaan kon i Tuhan.”

KINOBAḺIAN 29:1

Ki Yakub nogingguput kon bobayánea bo minayá in butá inta kon dotá in pomukaan kon Kanaan.

KINOBAḺIAN 31:13

Akuoibí naa in ki Allah inta nokipogontong kon inimu kon Betel. Kon tua iko ain noposindog in batu tompoingat tobatú, poḷat nopobutak in ḷana zaitun kon tudunea. Kon tampat doman tatua iko nongibot kon inakó. Tanaa pobasadiadon bo pobuidon kon butá kinolahiranmu.’ ”

KINOBAḺIAN 35:1

Kon singgai tobatú ki Allah in noguman kon i Yakub, “Akuoi naa in ki Allah inta nokipogontong kon inimu kon wakutu iko noḷagui kon i Esau, ki guya-guyangmu tua. Ḷagidon bayá in Betel. Pogutundon kon tua bo pogaidon kon mezbah tobatú kon i-Nakó.”

KINOBAḺIAN 35:15

Tampat tatua sinangoiannea “Betel”.

IḶUAIAN 17:15

Bo ki Musa noposindog in mezbah tobatú bo sinangoiannea “Ki Tuhan in Banderaku.”

YEHEZKIEL 48:35

Bayongan in dinding tatua kobanatnea in siow nopuḷú noribu nometer. Bo pinangkoi kon tanaa intau monangoi kon kotá tatua: “Ki Tuhan IN OYÚON IN KON TUA!”

HAKIM MITA 6:24

Bo ki Gideon noposindog in mezbah tobatú kon tua bo sinangoiannea “Ki Tuhan Pangkoi in Kobiagan Motompia”. Mezbah tatua oyúonpa kon Opra, inta kotá intau in Abiezer.