KINOBAḺIAN 35:24 - Alkitab Singog In Mongondow Masa In Tanaa

²⁴ Ki adí mita i Rahel in ki Yusup bo ki Benyamin.

KINOBAḺIAN 35:24 ပူးပေါင်းရင်းမြစ်များ

KINOBAḺIAN 42:4

Táe ki Benyamin diá inogoi i Yakub minayá noyotakin monia sin sia moondok dika-dikabo mobodito in ki adínea tatua. Ki Benyamin naa in toamá bo toináan i Yusup.

KINOBAḺIAN 43:29

Naonda in ki Yusup nokoontong kon i Benyamin, ki ai-ainea, sia in noguman, “Dá sia tanaa degá in ki ai-ai monimu inta muit tatua, inta ain inouman monimu kon inakó? Igumon mako ki Allah momarakat kon inimu, adíku.”

KINOBAḺIAN 43:34

Mosia inogoian in kaanon nongkon meja i Yusup, bo ki Benyamin inogoian koḻima in kobayongnea nongkon i guya-guyangnea. Bo nongaan bo nonginumdon in mosia noyotakin i Yusup nodapot in nobotug.

YOSUA 16:1

Botok mita in sigad in butá inta inogoi kon buí i Yusup, in pinangkoi kon Ongkag in Yordan kon diug in Yerikho, dotá in pomukaan kon bokaká mita in tubig in Yerikho nodapot kon padang gurun. Nongkon Yerikho, botok tatua in notakod nodapot kon Betel kon butá kon buḷud.

YOSUA 18:11

Tonsilai muna tuata inta noiḷabú kon motoḷuadí mita nongkon suku i Benyamin. Butá tonsilai monia tua in noiukat kon sigad in suku Yohuda bo butá in suku buí i Yusup.

HAKIM MITA 5:14

Mosia in minayá nongkon Epraim nopobayá in ḷopá, dinumudui kon tontara i Benyamin inta nopipid kon muna monia. Nongkon Makhir namangoidon in panglima mita, bo nongkon Zebulon sinimindogdon in porwira mita.

RUT 4:11

Intau mita inta dinuí itoi kon tua bo intau ibanea inta kon tua noguman, “Oo, kamidon in sakusinea. Poigumon mako ki Tuhan in mopobaḻí kon i buḷoimu tua naonda bo ki Rakhel bo ki Lea inta nopononggadí in adí mobayong kon i Yakub. Poigumon mako iko in mobiagdon mooyúon totok kon sigad in intau mita nongkon inanakan in Eprata bo poigumon doman mako iko in mobaḻídon intau inta tango-tangoiondon totok kon Betlehem.