KINOBAḺIAN 35:23 - Alkitab Singog In Mongondow Masa In Tanaa

²³ Ki adí mita i Lea in ki Ruben (adí guya-guyang i Yakub), ki Simeon, ki Lewi, ki Yohuda, ki Isakhar bo ki Zebulon.

KINOBAḺIAN 35:23 ပူးပေါင်းရင်းမြစ်များ

KINOBAḺIAN 29:16

Ki Laban naa in kogadí kon mongodeaga doyowa; guya-guyang tangoinea ki Lea, bo ki ai-ainea tangoinea in ki Rahel.

KINOBAḺIAN 29:31

Naonda inontong i Tuhan kon ki Lea in diá totok kinotabi i Yakub ná tabinea kon i Rahel, dá binaḻídon i Tuhan sia bobay inta motaau mopononggadí in adí, táe ki Rahel in binaḻí-Nea bantó.

KINOBAḺIAN 33:2

Bobantungnea doyowa tatua takin ki adí mita monia in kon muna, bo noiduduimai ki Lea takin ki adínea mita, bodongka ki Rahel bo ki Yusup in kon tumi totok.

KINOBAḺIAN 49:3

Ruben, ki adíku inta guya-guyang, ikobí in ropotku, bungai uḷuan in ḷoḷakiku. Iko in moroton totok bo moropot kon sigad in bayongan adíku mita.

TAWARIKH 1 27:16

Naa in daptar in tangoi in tongguḷu in suku kon bangusa Israel: Suku Tongguḷu Ruben ki Eleazer ki adí i Zikhri Simeon ki Sepaca ki adí i Maakha Lewi ki Hasapia ki adí i Kemuel Harun ki Zadok Yohuda ki Elihu, tobatú ginaḷum i Datu Daud Isakhar ki Omri ki adí i Mikhael Zebulon ki Yismaya ki adí i Obaja Naptali ki Yerimot ki adí i Azriel Epraim ki Hosea ki adí i Azazya Manasye inta kon dotá in toyopan kon Ongkag in Yordan ki Yoël ki adí i Pedaya Manasye inta kon dotá in pomukaan kon Ongkag in Yordan ki Yido ki adí i Zakharia Benyamin ki Yaasiel ki adí i Abner Dan ki Azareel ki adí i Yeroham

IḶUAIAN 1:1

Ki Yakub inta sinangoian doman ki Israel, minayá in Mesir takin ki adínea mita bo ginaḷum monia. Naa in ki adí mita i Yakub:

YEHEZKIEL 48:30

Ngara tumuot kon kotá in Yerusalem in mopuḷú bodoyowá komintan. Dindingnea opat kon batúannea ukurannea in doyowa noribu bo doyowa nogatut bo ḻima nopuḷú nometer, bo toḷu in bonawangnea. Batúan in bonawang sinangoian podudui in tangoi tobatú in suku in Israel. Bonawang mita kon utuan sinangoian Ruben, Yohuda bo Lewi; bonawang mita kon dinding kon dotá in pomukaan in sinangoian Yusup, Benyamin, bo Dan; bo inta kon dinding kon dotá in toḷatan oyúon in tangoi mita tanaa: Simeon, Isakhar bo Zebulon; bo inta kon dinding dotá in toyopan sinangoian Gad, Asyer, bo Naptali.

PINOGIAPAN 1:20

Ḷoḷaki mita inta umur doyowa nopuḷú notaong bo namonik inta motaaudon baḻíon tontara, pinais in tangoi monia podudui in inanakan bo inanakannea, pinangkoi kon i Ruben, adí guya-guyang i Yakub nodapot kon i Naptali. Kobayong monia in: Suku Kobayong intau Ruben 46.500 Simeon 59.300 Gad 45.650 Yohuda 74.600 Isakhar 54.400 Zebulon 57.400 Epraim 40.500 Manasye 32.200 Benyamin 35.400 Dan 62.700 Asyer 41.500 Naptali 53.400 Kobayongnea komintan: 603.550

PINOGIAPAN 1:5

Naadon in tangoi in intau mita inta piniḻí nongkon umat sin mobantung kon i Musa bo kon i Harun bo inta mobaḻí itoi kon sukunea-sukunea, naa in mosia tua: Suku Itoi Ruben ki Elizur adí i Syedeur Simeon ki Selumiel adí i Zurisyadai Yohuda ki Nahason adí i Aminadab Isakhar ki Netaneel adí i Zuar Zebulon ki Eliab adí i Helon Epraim ki Elisama adí i Amihud Manasye ki Gamaliel adí i Pedazur Benyamin ki Abidan adí i Gideoni Dan ki Ahiezer adí i Amisyadai Asyer ki Pagiel adí i Okhran Gad ki Elyasap adí i Rehuel Naptali ki Ahira ki adí i Enan

PINOGIAPAN 10:14

Inta muna totok nobuat in mosia inta kon siungon in bandera pinonobatúan i Yohuda, naa in tangoi monia tua: ki Nahason, adí i Aminadab, sia in nobaḻí itoi kon pipidan suku in Yohuda,

PINOGIAPAN 2:3

Kon dotá in pomukaan, tontara mita inta nomaké in bandera pinonobatúan i Yohuda musti mogutun kon ḷoḷaigan podudui in tontara bo itoi monia tontaní kon bonu in pipidan tanaa: Suku Itoi Kobayong intau Yohuda Ki Nahason adí i Aminadab 74.600 Isakhar Ki Netaneel adí i Zuar 54.400 Zebulon Ki Eliab adí i Helon 57.400 kobayongnea: 186.400 Pinonobatúan i Yohuda musti totok kon muna mayá.

PINOGIAPAN 26:5

Nongkon suku i Ruben, adí guya-guyang i Yakub: inanakan i Henokh, i Palu,

PINOGIAPAN 34:19

Naa in tangoi in intau mita tatua: Suku Itoi Yuda Kaleb adí i Yepune Simeon Samuel adí i Amihud Benyamin Elidad adí i Kislon Dan Buki adí i Yogli Manasye Haniel adí i Epod Epraim Kemuel adí i Siptan Zebulon Elisapan adí i Parnah Isakhar Paltiel adí i Azan Asyer Ahihud adí i Selomi Naptali Pedael adí i Amihud

PINOGIAPAN 7:12

Kon batúannea modia kon sosumbanea podudui in wakutunea: Singgai Suku Itoi Imitánea Yohuda Nahason adí i Aminadab Nogindua Isakhar Natanael adí i Zuar Nogintoḷu Zebulon Eliab adí i Helon Noginggopat Ruben Elizur adí i Syedeur Noginḻima Simeon Selumiel adí i Zurisyadai Noginggonom Gad Eliasap adí i Rehuel Noginpitu Epraim Elisama adí i Amihud Noginwaḷu Manasye Gamaliel adí i Pedazur Noginsiow Benyamin Abidan adí i Gideoni Impuḷúnea Dan Ahiezer adí i Amisyadai Impuḷú bomitá Asyer Pagiel adí i Okhran Impuḷú bodoyowá Naptali Ahira adí i Enan Naa in sosumba monia kon batúannea: tobatú in pindan saḷaka inta kobogatnea in tokilo bo tobotak bo tobatú in baskom saḷaka inta kobogatnea in 800 nogram, podudui in simbangan inta pinaké kon Ḷoḷaigan i Tuhan. Tampat doyowa tatua binonuan kinopuḻing in topong binauian in ḷana sin baḻíon sosumba oḷudon. Koḻikud intua pindan buḷawan tobatú inta kobogatnea in 110 nogram binonuan in dupa; sapi koḷakian batánea tobatú, domba koḷakian tobatú bo ki adí doman in domba inta umur totaong sin baḻíon kuruban payongon bo bembé doman koḷakian tobatú sin baḻíon kuruban potobut kon dosa; sapi doyowa, domba koḷakian ḻima, bembé koḷakian ḻima, bo domba inta umur totaong ḻima doman sin baḻíon kuruban pondamean.

OUMAN IN RASUL MITA 7:8

Sunat in nobaḻí tanda kon dodandian tatua. Dá naonda in ki Ishak inta ki Adí i Abraham noilahirdon, adí tatua pinoki sunat kon singgai iwaḷunea; ki adí i Ishak in ki Yakub. Yo ki adí i Yakub tua in mopuḷú bodoyowá inta nobaḻí mogoguyang naton.

ULANGAN 27:11

Bo ki Musa noguman kon bangusa Israel,

ULANGAN 33:6

Ki Musa noguman nanaa kon suku i Ruben, “Igumon mako suku i Ruben diá moyopú, umpaka tongá topiḻik in intaunea.”

YOSUA 13:15

Tongobotak nongkon butá inta pinodandi i Tuhan kon umat in Israel tua ain inogoi i Musa kon motoḷuadí kon bonu in suku i Ruben, sin mobaḻí butá kapunyaan monia.

YOSUA 15:1

Motoḷuadí nongkon suku in Yohuda notarima kon tonsilai butá inta noiduduimai naa in sigadnea: Kon dotá in toḷatan, butá tatua nosimbanat nodapot kon popod inta totok in kon toḷatan butá kon padang gurun Zin kon pinosigadan in Edom;

YOSUA 19:1

Pinosilaian nogindua tuata in butá mita inta motoḷuadí mita inta kon bonu in suku i Simeon. Sigad in butá monia sinumuot nodapot kon bonu in sigad in butá kapunyaan in suku Yohuda.

YOSUA 19:10

Pinosilaian nogintoḷu tuata in butá inta kon motoḷuadí mita inta kon bonu in suku i Zebulon. Sigad in butá inta inogoi kon i monia in nodapot kon Sarid.

YOSUA 19:17

Pinosilaian noginggopat tuata in butá inta kon motoḷuadí mita kon bonu in suku i Isakhar.

WAHYU 7:7

Simeon, Lewi, Isakhar,

HAKIM MITA 5:14

Mosia in minayá nongkon Epraim nopobayá in ḷopá, dinumudui kon tontara i Benyamin inta nopipid kon muna monia. Nongkon Makhir namangoidon in panglima mita, bo nongkon Zebulon sinimindogdon in porwira mita.

HAKIM MITA 5:15

Itoi mita kon suku i Isakhar namangoi noyotakin i Debora, ki Isakhar namangoi, bo ki Barak dinumudui doman; mosia in dinumudui kon inia nosiḻig kon ḷopá. Táe suku i Ruben diá in kinotantúan in gina sin kon sigad monia diá in nopakat kon tosingogon.

RUT 4:11

Intau mita inta dinuí itoi kon tua bo intau ibanea inta kon tua noguman, “Oo, kamidon in sakusinea. Poigumon mako ki Tuhan in mopobaḻí kon i buḷoimu tua naonda bo ki Rakhel bo ki Lea inta nopononggadí in adí mobayong kon i Yakub. Poigumon mako iko in mobiagdon mooyúon totok kon sigad in intau mita nongkon inanakan in Eprata bo poigumon doman mako iko in mobaḻídon intau inta tango-tangoiondon totok kon Betlehem.