KINOBAḺIAN 35:22 - Alkitab Singog In Mongondow Masa In Tanaa

²² Kon tungkuḷ in mosia kon tampatpa tatua ki Ruben nosiugdon noyotakin i Bilha, ki buḷoi amánea inta bobantung tatua. Soaḷ tatua kinodongogan i Yakub, bo sia in totok sinumorú. Ki Yakub kogadí kon ḷoḷaki mopuḷú bodoyowá.

KINOBAḺIAN 35:22 ပူးပေါင်းရင်းမြစ်များ

KINOBAḺIAN 35:18

Táe ki Rahel diádon moonggot in matoi, bo naonda in sia mopobuitdon in tompot pangabisannea, sinangoiannea in adí tatua Ben-Oni táe ki amánea nonangoi kon inia ki Benyamin.

SAMUEL 2 13:21

Kinodongogandon i Datu Daud onu in nobaḻí tatua, bo sinumorúdon totok in sia.

SAMUEL 2 20:3

Naonda in ki Daud noyaput kon komaḻignea kon Yerusalem, bobay mopuḷú inta diá inika i datu inta sinaḷáan sin moḷukad kon komaḻig, pinoutunnea kon bonu in baḷoi inta iḷukadan in moḷoḷukad. Onu in pakéon monia sia in nopooyúon, táe diádon in ki Daud kon dodai in onda in nosiug takin i monia. Mosia tua in pinopoyayúdon bo kobiagan monia in naonda bo dongkadon boba-bobay nodapot in minatoi.

TAWARIKH 1 5:1

Ki Ruben naa in adí guya-guyang i Yakub. Táe popisí in ki Ruben naa in ain nopoonagmai kon kahoromatan in pahang tobatú i amánea, dá haknea saḷaku adí guya-guyang in ginamádon nongkon inia bo inogoi kon i Yusup. Umpaka natua táe inta totok in moropot kon sigad in buí Yakub in deemanbí suku i Yusup táe sukubí i Yohuda. Nodapot inta muna-munamai totok nobaḻí datu kon bayongan umat in Israel in nongkon sukubí i Yohuda tua.

IḶUAIAN 2:1

Kon tungkuḷ intua ḷoḷaki tobatú nongkon suku in Lewi, nobuḷoi kon bobay nongkon suku tatua doman.

IMAMAT 18:8

Dika mopoonagmai kon i amámu takin mosiug moyotakin i buḷoinea tobatú inta kon sigad i buḷoinea ibanea.

PINOGIAPAN 10:14

Inta muna totok nobuat in mosia inta kon siungon in bandera pinonobatúan i Yohuda, naa in tangoi monia tua: ki Nahason, adí i Aminadab, sia in nobaḻí itoi kon pipidan suku in Yohuda,

OUMAN IN RASUL MITA 7:8

Sunat in nobaḻí tanda kon dodandian tatua. Dá naonda in ki Ishak inta ki Adí i Abraham noilahirdon, adí tatua pinoki sunat kon singgai iwaḷunea; ki adí i Ishak in ki Yakub. Yo ki adí i Yakub tua in mopuḷú bodoyowá inta nobaḻí mogoguyang naton.

KORINTUS 1 5:1

Akuoi in sabanarnea nokodongog bidon kon lapuran kon naanta oyúon bidon kon sigad monimu in moibog mogaid kon inta mokotor: Oyúon in kon sigad monimu in nonuaḻing takin i inánea uatok. Intaupa inta diá nonotaau kon i Tuhan diábí doman mogaid kon natua!

ULANGAN 27:12

“Naonda in moiko ḷumoḷan kon Ongkag in Yordan, suku Simeon, Lewi, Yohuda, Isakhar, Yusup bo Benyamin musti simindog kon tudu in Buḷud in Gerizim kon dodai in singogondon in barakat kon bangusa tanaa.

ULANGAN 27:20

‘Kinutuk in intau inta mopoompámai kon i amánea popisí in nosiugdon takin buḷoi tobatú i amánea.’ ‘Amin!’

WAHYU 21:14

Dinding in kotá tatua in pinosindog kon tudu in batu mopuḷú bodoyowá. Bo batu mita tatua in sinoko paisan tangoi in rasul mopuḷú bodoyowá. Mosia tua in rasul mita i Adí in Domba tatua.

HAKIM MITA 5:14

Mosia in minayá nongkon Epraim nopobayá in ḷopá, dinumudui kon tontara i Benyamin inta nopipid kon muna monia. Nongkon Makhir namangoidon in panglima mita, bo nongkon Zebulon sinimindogdon in porwira mita.

SAMUEL 1 2:22

Ki Eli in nogoguyangdon totok. Umuran in sia mokodongog kon guman in intau soaḷ oaid i adínea mita kon intau in Israel. Kinotaauan domandon i Eli kon ki adínea mita tatua in nosiug domandon takin bobay mita inta nogaid kon tayowon ngara in Ḷoḷaigan Koangoian i Tuhan.