KINOBAḺIAN 35:2 - Alkitab Singog In Mongondow Masa In Tanaa

^2-3 Bo ki Yakub in noguman kon buḷoi, adí ginaḷumnea bo kon bayongan intau inta kotaki-takinnea, “Kita in mobuatdon nongkon naa bo mayá in Betel. Kon tua akuoi in moposindogdon in mezbah kon i Allah inta ain notuḷung kon inakó kon dodai in kinoantugan in roriga bo inta ain noḷukad kon inakó kon ondaka in binayáanku. Dá ḷumbúdon in patong dewa mita ibanea mako inta kodia-dia monimu; aidaidon in upacara pondaritan kon awak bo pakédon in pakeang inta modarit.”

KINOBAḺIAN 35:2 ပူးပေါင်းရင်းမြစ်များ

KINOBAḺIAN 18:19

Sia ain piniḻí-Ku sinbá motundú kon i adínea mita bo kon buínea sinbá motoindudui kon i-Nakó bo mogaid kon onu inta mopia bo moadil. Aka soaḷ tatua aidan monia, yo bayongan in dandi-Ku kon i Abraham in intompodan-Ku.”

KINOBAḺIAN 31:19

Kon dodai intua ki Laban kon tampat ponggonsingan kon bubuḷ in domba, koyogot doman monggonsing kon bubuḷ in dombanea mita, bo kon dodai intuata ki Rahel nonakow kon patong kapunyaan i amánea.

KINOBAḺIAN 31:30

Kinotaauankubí kon iko nobuat tatua popisí in iko moibogdon totok mobui. Nongonu sin iko nonakowbí kon patong moḷoḷukad kon i motoḷuadíku?”

KINOBAḺIAN 31:34

Táe munadon ginamá i Rahel in patong tatua bo pinopobonunea kon botutu inta pinopobongkoḷ kon unta, bo sia iḻimitúdon mako kon bongkoḷ tatua. Ki Laban nomirikisa kon tombonu in ḷoḷaigan i Rahel, táe diá doman nouḻínea in patong tatua

KINOBAḺIAN 34:2

Naonda in ki Sikhem, ki adí i Hemor intau in Hewi inta nobaḻí datu kon butá tatua nokoontong kon i Dina, pinoḷaguinea in mongodeaga tatua bo pinakisanea siniugan.

KINOBAḺIAN 35:22

Kon tungkuḷ in mosia kon tampatpa tatua ki Ruben nosiugdon noyotakin i Bilha, ki buḷoi amánea inta bobantung tatua. Soaḷ tatua kinodongogan i Yakub, bo sia in totok sinumorú. Ki Yakub kogadí kon ḷoḷaki mopuḷú bodoyowá.

SAMUEL 2 7:23

Kon dunia naa in diábí in bangusa ná Israel. Tongábí Israel tuata in bangusa inta ain pinoḷuat-Mu nongkon pinononggataan sin mobaḻí umat-Mu tontaní. Bayongan in aid moḷoben bo inta mokoherang inta pinomia-Mu kon i monia, mopobaḻí kon tangoi-Mu ponango-nangoian kon dunia. Bangusa mita ibanea takin dewa mita monia aindon inuntun-Mu kon tungkuḷ in umat-Mu minayá noparang.

DATU MITA 2 17:29

Táe intau mita inta nogutun kon Samaria tua in umuranbí doman momia kon berhala mita monia tontaní bo ukaton monia kon kuil inta pinosindog in intau in Israel inta dungkuḷmai nogutun kon kotá tatua. Kon batúan in suku momia kon berhalanea tontaní kon kotá inta pinogutunan monia:

DATU MITA 2 5:10

Ki Elisa in nopotabá kon bobantungnea sin moguman nanaa kon i Naaman, “Bayádon Tuang poinggú bo dumoḷop kopitu kon Ongkag in Yordan, dá totu-totuubí kon mopia in ki Tuang.”

TAWARIKH 1 16:26

Dewa mita in bangusa ibanea in tongábí patong berhala táe ki Tuhan in inta nomaḻí kon toḷungayá naa.

AYUB 1:5

Mopaḷut mako in bobutungan, ki Ayub in tantú mobangon doḷo-doḷom bo moposumba in kuruban ponukid kon batúan in adínea sinbá ampungan i Tuhan. Sin kon raian i Ayub, dika-dikabo ki adínea mita ain noiaid kon dosa bo noiḷautdon nokopoompámai kon i Allah takin diá sinuod.

MAZMUR 51:2

naonda in sia sinoboḷow i Nabi Natan popisí in nonuaḻing takin i Batsyeba.

MAZMUR 51:7

Totuubí, akuoi in moraat pinangkoi kon dodaipa in pinononggadí, bo kinotugatandon in dosa pinangkoi kon bobuḷadían.

IḶUAIAN 19:10

Naa in bayádon pokipodungkuḷai in intau mita tatua, bo potabádon in mosia singgai naa bo ikoḷom mosadia sin moibada. Mosia in musti momatá kon pakeang monia.

IḶUAIAN 19:14

Onda intua ki Musa noponag nongkon buḷud bo nopotabá kon intau mita moposadia sin moibada. Gumannea, “Toumá moiko in musti nosadia, bo tanaa mako moiko in diápa motaau mosiug moyotakin.” Bo bangusa tatua nomangkoidon noposadia bo nomatá kon pakeang monia.

IḶUAIAN 23:13

Pononggina mako in bayongan inta ain pinoguman-Ku kon inimu. Dika mosumba kon ilah mita ibanea, modapot in tongá monangoi kon tangoinea diábí motaau.”

MOHOHUTUBA 5:1

Poraipa muna bo mosingog, bo dika ḻimika-ḻikat in modandi kon i Allah. Sia in kon soroga bo iko in kon butá, dá dika kobaro-barongon in mosingog.

YESAYA 1:16

Daritaidon in awakmu kodariton totok. Gogaiai in bayongan inta moraat inta inaidan monimu tua. Dikadon bui mogaid kon inta moraat,

YESAYA 52:11

Bayádon! Taḷaaidon in kotá in Babel, ei moiko inta nodia kon pakakat mita in Baḷoi i Allah! Dikadon moḻiai kon pakakat inta nonajis: potusidon in awakmu kon dodai in diápa mobuat.

YEREMIA 13:27

Akuoi in nokoontongdon kon i monimu in nogaid kon inta kinodoí-Ku. Inontong-Kudon in ilah mita ibanea kon tombuḷudnea bo kon gobá, naonda bo ḷoḷaki tobatú mongibog totok kon i buḷoi bobay in intau ibanea andeka naonda bo kabaḷo koḷakian inta mongibog kon kabaḷo kobaayan. Ei intau in Yerusalem, moboditodon in moiko! Toonu degá in moiko in moiḷuat kon bayongan in inta moraat?”

YEREMIA 16:20

Mokoaid degá in intau kon ilahnea tontaní? Notantúbí kon diá! Inta pinomianea tua in notantúbí kon deeman Allah.”

YEREMIA 5:7

Ki Tuhan in noguman, “Nongonu sin Akuoi in mustibí mongampung kon dosa mita in umat-Ku? Mosia in nonaḷámaidon kon i-Nakó bo nosumba kon inta deeman Allah. Akuoi in nobogoi in kaanon kon i monia nodapot in mosia nobotug, táe mosia in nonuaḻingbí, bo mokakit in mayá mokipodungkuḷ kon sundaḷ mita.

YEHEZKIEL 18:31

Gogaiaidon in bayongan inta moraat inta inaidan monimu bo pomayádon mako in gina bo raianmu motomobagu. Nongonu sin moiko in mustibí matoi?

YEHEZKIEL 20:7

Pinoki ḷumbú-Ku kon i monia in patong mita mokorongó inta kinoibog monia tua, bo inimaḷowan-Ku in mosia in moponajis in awak monia pongin mosumba kon berhala mita kon Mesir, sin Akuoibí naa in ki Tuhan Allah monia.

YEHEZKIEL 36:25

Mopaḷut mako kon tua moiko in pisikan-Ku in tubig inta mosilang, sinbá modaritdon nongkon bayongan in berhalamu bo nongkon bayongan yagi-yagi inta ain nokokotor kon i monimu.

DANIEL 5:4

Koyogot in monginum mosia in sindaḷan doman modayow kon dewa mita inta pinomia nongkon buḷawan, saḷaka, bitú, kayu bo batu.

IMAMAT 15:5

Ki ine in moḻiai kon intau oyúon in ḷumoḷayat tatua ande moḻiai kon pinosiugannea, ande ḻimitú kon tampat inta ain iḻitúannea ande dinuyáan in intau tatua, yo musti in sia momatá kon pakeangnea bo moinggú, táe sia monajispabí modapot kon mata in singgai tumoyopdon.

IMAMAT 17:16

Aka diá aidannea in tua, yo sia in musti mobaba kon akibatnea.

PINOGIAPAN 31:24

Kon singgai noginpitu moiko in musti momatá kon pakeangmu, bain tua bo moiko in diádon nonajis, bo motaaudon tumuot kon pinononḷoḷaigan.”

OUMAN IN RASUL MITA 19:26

Bo tanaa aindon inontong bo dinongog monimu tontaní onu in inaidan i Paulus. Sia in noguman kon dewa mita inta pinomia intau in deemanbí totu-totuu dewa. Bo nobayongdon totok intau in nopirisaya kon onu in pinogumannea tatua, deeman tongá kon Epesus naa, táe gogiódon bo komintan in Asia naa.

KORINTUS 1 10:7

Bo bá diá doman in kita mosumba kon berhala, naonda bo inaidan in tongonumai intau kon sigad monia. Kon bonu in Buk Motusi in pinais nanaa, “Bo nomangkoidon in bangusa tatua nongaan bo nonginum poḷat nomanari sin mosumba kon berhala.”

KORINTUS 2 7:1

Utat mita inta kinotabiku! Dandi mita tatua in pinopomakusudbí kon i naton komintan. Tuamai koḻigai in kita mondaritdon kon oaid mita naton inta mokokotor kon awak naton. Bo koḻigai mobiag motoguondok kon i Allah, sinbá mobiagdon motompia takin-Nea in kita.

GALATIA 4:8

Tungkuḷ intua moiko in diápa nonotaau kon i Allah, tuamai moiko in nobaḻí ata in kawasa mita inta inanggap monimu ki allah, táe sabanarnea in deemanbí ki Allah.

ULANGAN 11:28

Táe moiko in kinutukbí aka diá motoindudui kon bayongan parenta mita i Tuhan Allahmu, modapotbí in monoḻikud bo mayá mosumba kon ilah mita ibanea inta diá dodai onda sinumba monimu.

ULANGAN 32:16

Mosia in nosumba kon berhala, dá nointoi in ki Tuhan, torú-Nea nomuká popisí in aid moraat tatua.

ULANGAN 5:7

Dika mosumba kon ilah mita ibanea. Tongádon Akuoi in sumbáan.

ULANGAN 6:14

Dika mosumba kon ilah mita ibanea inta sinumba in bangusa mita ibanea inta nogutun kon diugmai monimu.

ULANGAN 7:25

Tubádon in patong mita berhala inta sinumba monia. Dika mongibog kon saḷaka ande buḷawan inta kopake-paké monia bo dika mogamá sin pakéonmu tontaní. Aka moiko ḻimimpat kon parenta tatua matoi in moiko, sin ki Tuhan Allahmu in doíbí in mokoontong kon posumbaan kon patong berhala.

IBRANI 10:22

Tuamai, koḻigai dimiugdon in kita kon i Allah takin gina motuḻid bo totu-totuudon mopirisaya sin gina naton in dinaritandon nongkon raian mita inta mongoraat, bo awak naton in dinaritan domandon in tubig inta modarit totok.

YAKOBUS 4:8

Diugaidon in ki Allah, bo ki Allah in dimiugdon kon i monimu. Daritaidon in ḻimamu, moiko inta binaradosa! Bo insilangaidon in ginamu, moiko inta nonanga in gina!

YOSUA 23:7

Aka natua dá moiko in diádon moyobauk in bangusa mita inta nogutunpa kon sigad monimu. Moiko in diábí monangoi kon tangoi in dewa mita monia ande mongibot podoyon kon tangoi tatua. Bo moiko in diábí doman moibada ande tumungkud kon tayowon in dewa mita tatua.

YOSUA 24:14

“Dá, tanaa,” ki Yosua noguman doman nanaa, “horomatonbí in ki Tuhan. Pogundoidon kon i-Nia takin gina motuḻid bo mosatia. Ḷumbúdon in toḻindua in Tuhan inta sinumba in mogoguyangmu koḻipod kon Mesopotamia bo Mesir. Tongádon ki Tuhan in pogundoian.

YOSUA 24:15

Aka kuma bo moiko doí mogundoi kon i Tuhan, ponantúdon kon tosingogon in singgai naa doman ki ine in koibog monimu sumbáan: kon i ilah mita ibanea inta sinumba in mogoguyangmu kon Mesopotamia koḻipod ande kon ilah mita in intau in Amori inta butánea in pinogutunan monimu masai naa. Táe kami – akuoi bo tombonu in baḷoiku – in umuranbí mogundoi tongá kon i Tuhan.”

YOSUA 24:2

Onda intua ki Yosua noguman kon i monia komintan, “Indongogaipa onu inta pinoguman i Tuhan, Allah Israel kon inimu, ‘Tungkuḷ intua mogoguyangmu nogutun kon ḷoḷan in Ongkag in Eprat, bo nosumba kon dewa mita. Tobatú kon sigad monia tua tangoinea in ki Terah, ki amá i Abraham bo i Nahor.

YOSUA 24:23

“Aka natua, yo ḷumbúdon in ilah mita in bangusa ibanea inta nion kon inimu,” guman i Yosua, “bo podandidon kon moiko in mosatiabí kon i Tuhan, Allah in Israel.”

YUDAS 1:23

Kapit bo poḷuai in mosia nongkon bonu in tuḷu sinbá mosaḷamat. Bo poontong doman in tabi kon intau mita ibanea, táe musti motoguondok. Kodoíbí modapot pakeang monia inta ain kinotoran in ibog monia inta binaradosa.

HAKIM MITA 10:16

Onda intua mosia noḷumbúdon kon bayongan patong berhala, bo nosumbadon bui kon i Allah. Dá inagíandon in tabi in ki Allah nokoontong kon i monia kon bonu in roriga.

RUT 1:15

Nogumandon in ki Naomi kon inia, “Rut, indoiaika! Ki utatmu tumpaḷa pobobuḷoion ain nobui kon bangusanea bo kon dewanea mita. Bayádon doman in iko, uḻeku, duduidon kon inia mobui!”

SAMUEL 1 16:5

Tubag i Samuel, “Oo, totuu. Akuoi in mamangoi sin moposumba in kuruban kon i Tuhan. Dá potusidon in awakmu sinbá motaau dumudui kon upacara pobogoian kon kuruban tatua.” Ki Isai bo ki adínea mita in pinoki tusiannea doman in awak monia kon batúannea, bo inoinínea kon upacara tatua.

SAMUEL 1 7:3

Bo nogumandon in ki Samuel kon umat in Israel, “Aka moiko moibogdon mobui mangoi kon i Tuhan bo mosumba kon i-Nia takin ḻimbatú in ginamu, yo mustibí ḷumbúon monimu in bayongan dewa ibanea bo patong i Dewi Asytoret. Totu-totuudon posarakai in awakmu kon i Tuhan bo tongádon pooibada kon i-Nia, dá moiko in poḷuaton-Neadon nongkon intau in Pilistin.”