KINOBAḺIAN 35:16 - Alkitab Singog In Mongondow Masa In Tanaa

¹⁶ Nopaḷut mako kon tua ki Yakub bo rombongannea nonaḷámaidon kon Betel. Tungkuḷ in mosia noḻin yayúpa nongkon Eprata, noyaputdon in wakutunea ki Rahel mononggadí. Táe totokdon in mororiganea pononggadí in adí tatua.

KINOBAḺIAN 35:16 ပူးပေါင်းရင်းမြစ်များ

KINOBAḺIAN 3:16

Bo ki Tuhan in noguman kon bobay tatua, “Dugangan-Ku in rorigamu kon tungkuḷ in iko sidia bo kon dodai in iko mononggadí. Táe umpaka natua, iko in umuranbí doman mosiug moyotakin i buḷoimu, bo iko in tantúbí kon bonu in kawasanea.”

KINOBAḺIAN 35:19

Naonda in ki Rahel minatoi, sia iḷobong kon bingkí in daḷan inta mopobayá in Eprata, inta masai naa sinangoian Betlehem.

KINOBAḺIAN 48:7

Tua mita pinomiaku sin ki Rahel ki inámu. Kon binayáanku nobui nongkon Mesopotamia, ki inámu minatoi kon butá in Kanaan, diá noyayú nongkon Eprata, bo totok in norobonoḷ in ginaku. Iḷobongku in sia kon tua, kon bingkí in daḷan mayá ná Eprata.” (Tanaa mako Eprata tua in Betlehem.)

DATU MITA 2 5:19

Guman i Elisa, “Bayádon takin saḷamat.” Bo minayádon in ki Naaman. Diá noonggot naonda in ki Naaman nobuat,

TAWARIKH 1 2:19

Naonda in ki Azuba minatoi, ki Kaleb in notonibuḷoi i Eprat bo nokouḻí kon adí ḷoḷaki tobatú tangoinea in ki Hur.

MAZMUR 132:6

Kon Betlehem dinongog naton soaḷ Poti Dodandian, bo nouḻí kon rawang in Yaar.

MIKHA 5:2

Dá, ki Tuhan in mopomayádon in umat-Nea kawasaan in musung mita monia modapot in bobay inta ain sinantú mobaḻí ki iná in mongongawasa tatua mopononggadídon kon i-Nia. Mopaḷut mako kon tua intau mita tongobangusanea inta kon pinoḷumbúan in potobatúondon bui in bangusa monia.

MATIUS 2:1

Naonda in ki Yesus pinononggadídon kon Betlehem, kon tungkuḷ intua butá in Yudea pinareta i Datu Herodes, bo dodai intua namangoidon kon Yerusalem in intau mita in Mayusi nongkon Pomukaan.

MATIUS 2:16

Naonda in kinotaauan i Herodes kon sia aindon inakaḷan in intau mita in Mayusi tatua, sinumorú totok in sia. Manangka intua pinoki ḻimodnea in bayongan adí kon Betlehem bo kon ḻipú inta noyodiugneamai. Bayongan in adí inta nodapot in umur doyowa notaong, tua in sinantúnea podudui wakutu inta kinotaauannea nongkon intau mita in Mayusi tua.

MATIUS 2:18

“Kinodongogandon in tombá kon Rama, ombaḷ bo amui inta totok mokokuyang; ki Rahel mongombaḷmai kon i adínea mita, bo sia in doí dondouḷugan, sin ki adínea mita in diá don.”

TIMOTIUS 1 2:15

Táe umpaka natua, bobay in posaḷamatonbí doman, sin mosia in mobogoi in buí. Asaḷ sia mokopoompá kon dodia bo mokopotantú doman kon pirisaya kon i Kristus bo umuran kototabian kon tumpaḷa intau, bo moposarakan doman in kobiagannea kon i Allah.

RUT 4:11

Intau mita inta dinuí itoi kon tua bo intau ibanea inta kon tua noguman, “Oo, kamidon in sakusinea. Poigumon mako ki Tuhan in mopobaḻí kon i buḷoimu tua naonda bo ki Rakhel bo ki Lea inta nopononggadí in adí mobayong kon i Yakub. Poigumon mako iko in mobiagdon mooyúon totok kon sigad in intau mita nongkon inanakan in Eprata bo poigumon doman mako iko in mobaḻídon intau inta tango-tangoiondon totok kon Betlehem.

SAMUEL 1 10:2

Naonda in iko monaḷámai kon inakó singgai in naa, iko in moyodungkuḷ in intau ḷoḷaki doyowa kon diug in pinoḷobongan kon i Rahel kon Zelzah kon butá in Benyamin. Mosia in mogumanbí kon inimu, nanaa: Keledai mita inta sinayakmu in nouḻídon. Tanaa in diá bidon moḻia-ḻiaw in gina i amámu soaḷ in mahaḷuk mita tatua, tongá umuran moḻibó mongo naonda in pototayaknea kon inimu.”

SAMUEL 1 4:20

Naonda in sia gogiódon matoi, bobay mita inta notuḷung kon inia noguman, “Mokoposabarbí! Ḷoḷaki in ki adímu naa!” Tongá diábí in sia notubag ande nonarukiramai kon i monia.