KINOBAḺIAN 35:11 - Alkitab Singog In Mongondow Masa In Tanaa

¹¹ Bo ki Allah in noguman doman, “Akuoibí naa in ki Allah Inta Totok in Mokawasa. Pononggadí bo pononggompudon inta kobarongon! Nongkon inimu momukádon in bangusa mita bo mobaḻí mogoguyang in datu mita.

KINOBAḺIAN 35:11 ပူးပေါင်းရင်းမြစ်များ

KINOBAḺIAN 12:2

Akuoi in mobogoi kon inimu in buí inta mobarong bo mosia in mobaḻí bangusa inta moḷoben. Iko in barakatan-Ku, bo baḻíon-Ku in tangoimu ponango-nangoian in bayongan intau kon dunia naa, sahingga iko in mobaḻí barakat.

KINOBAḺIAN 13:16

Akuoi in mobogoi kon inimu in buí inta totok in mobarong, dapot in diádon tobatúmai intau in mokoiap kon i monia. Ná doman ḷobud inta diá koiapan in intau, yo ná doman tua in buímu mita diá doman koiapan in intau.

KINOBAḺIAN 15:5

Ki Tuhan in nodia kon i Abram iḻumuai bodongka noguman kon inia, “Ḷangagka kon ḷangit, bo tungkuḷaika iyap in tundi mita; yo buímu in kobayongnea naonda bo tundi mita tatua.”

KINOBAḺIAN 17:1

Kon tungkuḷ in ki Abram umur siow nopuḷú bo siow notaong, ki Tuhan nokipogontong kon inia bo poḷat noguman, “Akuoi in ki Allah Inta Totok in Mokawasa. Kobiagdon kon tayowon-Ku takin kodu-kodudui kon onu inta kinoibog-Ku.

KINOBAḺIAN 17:16

Barakatan-Ku in sia bo sia in mopononggadí in adí ḷoḷaki tobatú inta ogoi-Ku kon inimu. Totuu, Akuoi in momarakatbí kon i Sara, bo sia in mobaḻí mogoguyang bobay in bangusa mita. Kon sigad in buínea oyúon in mobaḻí datu mita.”

KINOBAḺIAN 17:4

“Naadon in dodandian inta pinomia-Ku takinmu: Akuoi in modandi kon iko in mobaḻí mogoguyang in bangusa mita. Tuamai tangoimu deeman bidon ki Abram, táe ki Abraham bidon.

KINOBAḺIAN 18:14

Eta oyúon in diá komampuan i Tuhan aidan? Ná inta pinoguman-Ku koina, siowpa nobuḷan Akuoi in mobui mangoi kon naa. Bo kon dodai intua ki Sara in mopononggadídon in adí ḷoḷaki.”

KINOBAḺIAN 18:18

Diá bo diá buínea in mobaḻíbí bangusa inta moḷoben bo mongawasa? Sin pongin inia, bayongan in bangusa kon dunia naa in barakatan-Ku?

KINOBAḺIAN 22:17

Akuoi mobogoi in barakat kobarongon totok kon inimu bo baḻíon-Ku in buímu moantó naonda bo tundi kon ḷangit bo ná kobayong in bungayon kon bingkí in dagat. Ki adí bo ki ompumu in monaḷowdon kon musung mita monia.

KINOBAḺIAN 28:14

Buímu in nádon kobarong in ḷobud kon butá. Mosia in moginḷoben kon butá monia kon bayongan tampat, bo pongin inimu bo buímu, Akuoi in momarakat kon bayongan bangusa kon dunia.

KINOBAḺIAN 32:12

Toropdon kon ki Tuhan tontaní ain nodandi monompia kon inakó kotompiaan bo mobogoi kon inakó in buí mobarong. Diá tobatúmai in mokoiap sin kobayongnea naonda bo bungaion kon pintad.”

KINOBAḺIAN 36:31

Kon dodai in diápa in datu nomarenta kon Israel, datu mita inta noiduduimai tanaa nomarenta kon butá in Edom noyo-noyodudui: Ki Bela ki adí i Beor kon i Dinhaba. Ki Yobab ki adí i Zera nongkon i Bozra. Ki Husyam nongkon butá in Téman. Ki Hadad ki adí i Bedad nongkon Awit (sia tuata inta nonaḷow kon intau in Midian tungkuḷ in noparang kon butá in Moab). Ki Samla nongkon Masreka. Ki Saul nongkon Rehobot inta kon bingkí in ongkag. Ki Baal-Hanan ki adí i Akhbor. Ki Hadar nongkon Pahu (Tangoi buḷoinea in ki Mehetabeel, ki adí i Matred inta ki ompu i Mezahab).

KINOBAḺIAN 43:14

Poigumon mako ki Allah Inta Totok in Mokawasa mopobaḻí kon i gubernur tatua motabi kon i monimu, dapot in moibogdon in sia mopobui mangoi kon i Benyamin bo kon i Simeon kon i monimu. Yo akuoi naa, aka mustibí kobuḻian i adíku mita, yo donaaidon mako aka tuabí in mobaḻí.”

KINOBAḺIAN 46:3

“Akuoi ki Allah, inta sinumba i amámu,” guman-Nea. “Dika moondok in mayá kon Mesir. Baḻíon-Ku in buímu bangusa inta moḷoben kon tua.

KINOBAḺIAN 47:27

Natuata intau mita in Israel nogutun notantú kon Mesir, kon butá in Gosyen. Mosia in nobaḻí nooyúon bo nononggadí nononggompu nobayong kon tua.

KINOBAḺIAN 9:1

Ki Allah in nomarakat kon i Nuh bo kon i adínea mita takin noguman, “Pononggadí bo pononggompudon inta kobarongon, sinbá buímu in mogutun kon dunia naa.

KINOBAḺIAN 9:7

Iko in musti mononggadí bo mononggompu inta mobayong, sinbá buímu in mogutun kon dunia naa.”

TAWARIKH 1 16:16

Dodandian tatua in pinomia-nea takin i Abraham, bo noiduduimai takin i Ishak,

TAWARIKH 1 16:17

bo inirigonan takin i Yakub nobaḻí dodandian inta mononoi kon umat in Israel.

TAWARIKH 1 16:18

Guman-Nea, “Butá in Kanaan in ogoi-Kubí kon inimu mobaḻí budel kapunyaanmu.”

IḶUAIAN 1:7

Táe buí monia, inta intau mita Israel, in nononggadí bo nononggompu mobarong totok, bo motoyong totok in kinododugang monia, dá butá in Mesir notoimpaḷotdon kon i monia.

IḶUAIAN 2:24

Inindongogan i Allah in mosia, bo kinotoropan-Neadon in dodandian-Nea takin i Abraham, i Ishak bo i Yakub.

IḶUAIAN 6:3

Akuoi nomia doman kon dodandian takin i monia. Akuoi nodandi kon Akuoi in mobogoi kon butá in Kanaan kon i monia, butá tampat kinobiagan monia nobaḻí intau ango-angoi.

IMAMAT 26:42

yo toropon-Kudon in dodandian-Ku takin i Yakub, i Ishak bo i Abraham. Toimbaguon-Kudon in dodandian-Ku sin mobogoi in butá tatua kon bangusa-Ku.

KORINTUS 2 6:18

Akuoi in mobaḻíbí ki Amá monimu, bo moiko in mobaḻíbí ki adí-Ku mita, natua in singog i Tuhan Inta totok in Mokawasa.”