KINOBAḺIAN 34:29 - Alkitab Singog In Mongondow Masa In Tanaa

²⁹ Mosia in nogamá kon bayongan barang inta koboḻi, nodomok kon bayongan bobay bo adí mita, bo nogagow kon bayongan tombonu in baḷoi mita kon kotá tatua.

KINOBAḺIAN 34:29 ပူးပေါင်းရင်းမြစ်များ

KINOBAḺIAN 31:26

Nopaḷut mako kon tua ki Laban noguman kon i Yakub, “Nongonu sin iko in monguboḷbí kon inakó bo nodia noḷagui kon i adíku mita, nádon onda bo mosia tua intau mita inta dinakop kon parang?

KINOBAḺIAN 34:27

Naonda in nopaḷut pinoḻimodan tatua, ki adí mita i Yakub ibanea nogagow kon kotá tatua saḷaku toḻiu in yaat in gina monia sin ki ai-ai monia ain pinokopo oyámai monia.

KINOBAḺIAN 34:28

Mosia in nogamá kon paanan bembé domba, sapi, keledai bo bayongan inta kon bonu ande kon ḷuai in kotá tatua.

KINOBAḺIAN 34:30

Ki Yakub noguman kon i Simeon bo kon i Lewi, “Moiko mokopororigamaidon kon inakó. Tanaa intau in Kanaan bo intau in Peris bo bayongan intau kon butá kon naa moyaatdon in gina monia kon inakó. Intau mita naton tongábí topiḻik; aka komintan intau kon naa motobatú komintan moḷawang bo monubu kon inakó, yo bayongan buḷoi, adí bo ginaḷum naton modaitbí moyopú.”

PINOGIAPAN 31:11

Onda intua intau mita in Israel nogamá kon bayongan inta inagow monia tua, noitakin doman in intau mita inta sinoko dakop kon parang bo bobiagon,

PINOGIAPAN 31:9

Intau mita in Israel nodakop kon bobay mita bo adí mita in intau in Midian, bo nogagow kon bayongan bobiagon, takin bayongan in kapunyaan monia.