KINOBAḺIAN 34:26 - Alkitab Singog In Mongondow Masa In Tanaa

²⁶ noitakin doman in ki Hemor bo ki Sikhem. Bo mosia in nogamádon kon i Dina nongkon baḷoi Sikhem bo minayá.

KINOBAḺIAN 34:26 ပူးပေါင်းရင်းမြစ်များ

KINOBAḺIAN 34:25

Toḷu nosinggai noiduduimai kon tua, kon wakutu in intau mita ḷoḷaki nonahangpa mako kon monakit pinopisí in bagupa sinoit, indoianmai yo ki adí i Yakub doyowa, inta ki guya-guyang i Dina inta ki Simeon bo ki Lewi, nogamádon kon pitow monia, bo takin diá noguman sinumuot kon kotá. Onda intua mosia noḻimod kon bayongan ḷoḷaki kon tua,

KINOBAḺIAN 34:27

Naonda in nopaḷut pinoḻimodan tatua, ki adí mita i Yakub ibanea nogagow kon kotá tatua saḷaku toḻiu in yaat in gina monia sin ki ai-ai monia ain pinokopo oyámai monia.

SAMUEL 2 2:26

Nongkon tua nomaḷú in ki Abner kon i Yoab, “Degá umurandon in kita moparang? Diábí kinotaauanmu degá kon parang tanaa in tongábí moponabud in pait? Kami naa in ki utatmu tongobangusa. Dapotpa in toonu in pogoḷatanmu mokipogogai in intaumu mita mogaḷow kon inami?”

YESAYA 31:8

Asyur in yopúonbí kon parang, táe deemanbí podoyon kon ropot in intau. Intau in Asyur in moḷaguibí nongkon tampat popoparangan, bo intau mita monia inta mongobagupa in baḻíon bobantung.

LUKAS 21:24

Oyúon in ḻimodon, oyúon doman in diaan saḷaku intau inta dinakop bo pobayá in ḻipu-ḻipúannea; bo intau inta diá mopirisaya momoguyaat kon Yerusalem modapot mopaḷut in wakutu inta sinantú i Tuhan kon i monia.”

ULANGAN 32:42

Piot-Ku mita in mopuḻingbí in dugú monia; bayongan inta monayow kon i-Nakó ḻimodon-Ku in kedang-Ku. Diábí pomayá-Ku mako in ki inekabí in moḷawang kon i-Nakó; intau inta kon ponjara bo inta sinoko tompaḻían in mustibí doman matoi.