KINOBAḺIAN 34:19 - Alkitab Singog In Mongondow Masa In Tanaa

¹⁹ Bo ki Sikhem noibogdon ḷagi dinumudui kon onu in sarat tatua popisí in totokdon ibognea kon i Dina. Kon sigad in bayongan ginaḷum motoḷuadí monia ki Sikhemdon naa inta totok in ihoromat monia.

KINOBAḺIAN 34:19 ပူးပေါင်းရင်းမြစ်များ

KINOBAḺIAN 29:20

Dá ki Yakub in nogaidon pitupa notaong in koonggotnea sinbá sia in motaau motonibuḷoi takin i Rahel, táe korasaannea pitu notaong tua in tongá inanggapnea naonda bo tongonumai nosinggai, sin popisí in ibognea totok kon i Rahel tua.

KINOBAḺIAN 34:18

Dá ki Hemor bo ki Sikhem ki adínea noibogdon kon onu in pinoigum monia tatua.

KINOBAḺIAN 34:20

Onda intua ki Hemor bo ki Sikhem minayá kon tampat poyoyodungkuḷan kon ngara in kotá, bo nopotaau kon bayongan intau kon kotá monia, nanaa in guman monia tua:

KINOBAḺIAN 41:20

Sapi mita inta nongorutuk tatua nokaanbí kon sapi mita pitu inta nongoḷongó koina.

DATU MITA 2 5:1

Ki Naaman naa in tongguḷu totokan in tontara in Siria inta kinotabi totok bo ihoromat i datu in Siria. Sin, pinongin i Naaman, ki Tuhan ain nopountung kon tontara in Siria. Ki Naaman naa in tongguḷu totokan in tontara inta motorindog, táe sia in kinotugatan in takit in kuḻit inta mokoondok.

TAWARIKH 1 4:9

Oyúon in ḷoḷaki tobatú tangoinea in ki Yabes; sia in ihoromat noiḻiu kon i utatnea mita. Sia in sinangoian i inánea ki Yabes, popisí in nororiga totok in ki inánea kon dodai in nopononggadí kon inia.

DONDONG MOḶANTUD 8:6

Baḻídon in akuoi batoḷ in dodobmu, dikabí mokoyot kon i ineka koḻikudbí in akuoi; sin tabi tua in ná koropot in popatoi, bo ibog in awak mongawasa naonda bo popatoi. Dokotnea naonda bo dokot in tuḷú inta modokot moborambang totok.

YESAYA 5:13

Tuamai in umat-Ku inta diá nonotaau in onu bo onu in diaanbí mayá nobaḻí intau dinakop. Itoi mita bo rayat in matoibí in gogoy bo rogang.

YESAYA 62:4

Tangoimu in deeman bidon ‘Inta Sinaḷáan’, butámu deeman bidon ‘Inta Noingongow’. Iko in tangoion bidon, ‘Inta Kinotabi i Allah’, bo butámu in sinangoian, ‘Inta Ain Nonika,’ sin ki Tuhan in noibogdon kon inimu, Sia in nádon buḷoi ḷoḷaki kon butámu.

PINOGIAPAN 22:15

Bo ki Balak nopotabá in totabá inta mobayo-bayong bo inta pangkat monia in moḷantu-ḷantud nongkon inta muna.

OUMAN IN RASUL MITA 13:50

Táe intau mita moḷoben kon kotá tatua bo bobay mita inta nongkon kalangan intau moḷantud inta motoguondok kon i Allah, totok pongaruon in intau mita in Yahudi. Mosia in nogaid kon soaḷ inta nokopomuka kon saturu monia kon i Paulus bo kon i Barnabas, bo inuntundon monia in taya dua nongkon daerah tatua.

OUMAN IN RASUL MITA 17:12

Nobarong kon sigad monia tua in nopirisaya kon i Yesus, bo deemanbí tongá topiḻik in intau mita in Yunani inta duduianmai monia in nopirisaya, pinomayá ḷoḷaki andeka bobay.

SAMUEL 1 22:14

Bo ki Ahimelek in notubag, “Táe kinotaauanku in ki Daud tua in porwirabí i Tuang datu inta totok in mosatia! Sia in nobuḷoi domandon kon i adí i Tuang tontaní, tongguḷu pongawal tontaní i Tuang datu, bo totok in i horomat in bayongan intau kon bonu in komaḻig i Tuang datu.