KINOBAḺIAN 31:55 - Alkitab Singog In Mongondow Masa In Tanaa

⁵⁵ Nobangon monik doḷo-doḷom, ki Laban nongayokdon kon i adí bo kon i ompunea saḷaku tanda moyogapídon, poḷat sia nomarakat kon i monia, onda intua sia nobuidon kon tampat pinogutunanea.

KINOBAḺIAN 31:55 ပူးပေါင်းရင်းမြစ်များ

KINOBAḺIAN 18:33

Naonda in nopaḷut nongonguman takin i Abraham, ki Tuhan minayá, bo ki Abraham nobuidon kon baḷoinea.

KINOBAḺIAN 28:1

Onda intua ki Ishak nogoiní kon i Yakub, bodongka nomarakat kon inia poḷat noguman, “Donaaidon iko motonibuḷoi takin bobay in Kanaan.

KINOBAḺIAN 30:25

Naonda in ki Rahel nopononggadí kon i Yusup, ki Yakub in noguman kon i Laban, “Ogoidon in akuoi mobui kon butáku.

KINOBAḺIAN 31:28

Nodapot in diádon inogoianmu in akuoi in kasampatan nongayok kon i adí bo kon i ompuku saḷaku tanda moyogapídon. Totuu mobodok in aidmu tanaa!

KINOBAḺIAN 31:43

Bo ki Laban notubag kon i Yakub, “Bobay doyowa tatua ki adíku; ki adí mita monia in akuoi doman kitogi, bo paanan in domba tatua kapunyaanku doman. Bo bayongan inta inontongmu kon naa akuoibí in kitogi. Táe diábí in motaauku aidan kon i adí bo ompuku tanaa.

KINOBAḺIAN 33:4

Táe ki Esau in noribatuk namangoi kon i Yakub, bo nonggakap poḷat nongayok kon inia. Bo taya dua tua tumpaḷadon nongombaḷ.

SAMUEL 2 19:39

Onda intua ki Daud bo bayongan in intaunea iḷumoḷandon kon Ongkag in Yordan. Bo ki Daud in nongayok kon i Barzilai bo nogumandon kon mayá, onda intua ki Barzilai in nobuidon kon baḷoinea.

MAZMUR 76:10

Kon tungkuḷ in Iko simindog sin monisigdon sin moposaḷamat kon intau inta dinorot kon dunia.

AMSAL 16:7

Aka iko mokosanang kon gina i Tuhan, musungmu mita in baḻíon-Neabí yobayat.

PINOGIAPAN 23:11

Bo ki Balak noguman kon i Bileam, “Onu degá in aidanmu kon inakó? Iko nion in diniaku namangoi in naa sin mongutuk kon musungku mita. Táe naa iko in nomarakatbí kon i monia.”

PINOGIAPAN 23:5

Bo pinotaaudon i Tuhan kon i Bileam in onu inta musti singogonnea, bo nopotabá bui kon inia mayá kon i Balak sin mopotaau in koyow i Tuhan kon inia.

PINOGIAPAN 23:8

Yo degá motaau in akuoi mongutuk, aka ki Allah in diá mongutuk? Yo degá motaau in akuoi mohukum aka ki Tuhan in diá mohukum?

PINOGIAPAN 24:25

Bo nosadiadon in ki Bileam mobui kon tampat pinogutunannea, bo ki Balak in minayá domandon.

ULANGAN 23:5

Táe ki Tuhan Allahmu in doíbí nokidongog kon i Bileam. Táe binaḷuian-Neabí in kutuk tatua nobaḻí barakat, sin motabi in Sia kon i monimu.

ULANGAN 32:36

Ki Tuhan in moposaḷamat kon umat-Nea bo motabidon kon mogogundoi-Nea mita, aka ontongon-Nea in mosia diádon kodaya bo kinodaitandon in ropot.

RUT 1:14

Ki Rut bo ki Orpa bui nongombaḷ totok onda intua ki Orpa nopoigumdon mobui poḷat nongayok kon i guyánea bodongka nobui in sia. Táe ki Rut in doíbí monaḷámai kon i guyánea tatua.