KINOBAḺIAN 31:49 - Alkitab Singog In Mongondow Masa In Tanaa

⁴⁹ Ki Laban in noguman doman, “Poigumon mako ki Tuhan umuran moindoi kon i naton kon bonu in kita mobiag moyogiyayúan.” Tuamai tampat tatua sinangoiandon Mizpa.

KINOBAḺIAN 31:49 ပူးပေါင်းရင်းမြစ်များ

DATU MITA IMITÁNEA 15:22

Nopaḷut mako kon tua, bayongan in intau kon Yohuda diá in sinaḻiban pinarenta i Datu Asa sin mobuat kon batu bo kayu inta pinaké i Baesa kon Rama sin pakéon poginrigon kon kotá tatua. Pakakat mita tatua pinaké i Asa sin moginrigon kon kotá in Mizpa bo Geba, kotá tobatú kon butá in Benyamin.

HOSEA 5:1

Ki Tuhan in noguman, “Indongogaidon, ei imang mita! Taridiaidon, ei intau in Israel! Indongogai, ei intau mita buí in datu! Hukuman in pinoḷabúdon kon i monimu. Sin, mustibí mokopoadil in moiko in monisig, táe noyotuuidon, moiko in nobaḻídon ná poyogaḷap kon Mizpa, naonda bo potait kon Buḷud in Tabor,

HAKIM MITA 10:17

Kon dodai intua tontara in Amon nosadiadon sin mayá moparang. Mosia in nononḷoḷaigan kon Gilead.

HAKIM MITA 11:11

Dá nobuatdon in ki Yepta noyotakin in intau mita inta sinongguyanga kon Gilead. Bo sia in binaḻídon in intau mita in Gilead pongawasa bo itoi. Bo kon tayowon i Tuhan kon Mizpa, ki Yepta nopoigum in tuntutannea mita kon intau mita in Gilead.

HAKIM MITA 11:29

Onda intua Roho i Tuhan nongawasadon kon i Yepta. Dá minayádon in ki Yepta kon butá in Gilead bo Manasye onda intua nobui kon Mizpa kon Gilead. Nongkon tua nongingguputdon in sia kon bobayáannea nopobayá in butá in bangusa in Amon.

SAMUEL 1 20:23

Poigumon mako ki Tuhan moḷukad sinbá kita in umuran kumadai kon dodandian natonda tua.”