KINOBAḺIAN 31:38 - Alkitab Singog In Mongondow Masa In Tanaa

³⁸ Doyowadon nopuḷú notaong akuoi in nogutun kon inimu. Paanan domba bo bembému nodugangdon nobarong, bo diápabí dodai onda akuoi in nokaan kon tobatúmai in bembé koḷakian nongkon bobiagonmu.

KINOBAḺIAN 31:38 ပူးပေါင်းရင်းမြစ်များ

KINOBAḺIAN 30:27

Ki Laban in noguman kon inia, “Indongogaipa muna: Kinoontongankudon kon ki Tuhan ain nomarakat kon inakó sin popisí in iko.

KINOBAḺIAN 30:29

Tubag i Yakub, “Kinotaauanmu bidon tontaní kon akuoi ain totu-totuu nogaid, bo bobiagonmu in nodugangdon nobarong sin akuoi in nomiag.

KINOBAḺIAN 30:30

Kon tungkuḷ in akuoi diápa namangoi, kapunyaanmu diápa naonda, táe tanaa iko in totokdon in nooyúon. Ki Tuhan ain nomarakat kon inimu sin popisí in akuoi. Tanaa wakutuneadon akuoi mogaid sin pomiagku kon buḷoi bo adíku tontaní”.

KINOBAḺIAN 31:10

Bo kon sempo in biag mita tatua mobuḷoi, akuoi tumogoindop mokoontong kon bayongan bembé inta nobuḷoi tua in batangannea nongo goḷong-goḷong, notudi-tudik bo nobaḷang.

KINOBAḺIAN 31:37

Tanaa, naonda in noḷekai kon bayongan barangku, yo oyúon degá in nouḻímu in barang kapunyaanmu? Poḷuaidon in barang tatua bo ukatdon kon naa, sinbá intauku mita bo intaumu mita mokoontongdon bo monantúdon mongo ki ine in kon sigad naton in mobanar.

KINOBAḺIAN 31:39

Inta minatoi dinomok in mahaḷuk ibanea diábí dodai onda diniaku mangoi kon inimu, táe akuoibí tontaní in monoḻiu kon tua. Inta sinakow kon wakutu in singgai ande doḷom umuran doman tuntutonmu sinbá toḻiuanku.

IḶUAIAN 23:26

Kon butá monimu diábí kouḻían kon bobay inta koukaian andeka bantó. Moiko in ogoian-Kudon in kobiagan moumur.

ULANGAN 28:4

Barakatan in moiko, dá mobayong in ki adímu mita, bungai in boyó mobayong totok bo sapi takin bembé dombamu in mobaḻí mobarong totok.