KINOBAḺIAN 31:37 - Alkitab Singog In Mongondow Masa In Tanaa

³⁷ Tanaa, naonda in noḷekai kon bayongan barangku, yo oyúon degá in nouḻímu in barang kapunyaanmu? Poḷuaidon in barang tatua bo ukatdon kon naa, sinbá intauku mita bo intaumu mita mokoontongdon bo monantúdon mongo ki ine in kon sigad naton in mobanar.

KINOBAḺIAN 31:37 ပူးပေါင်းရင်းမြစ်များ

KINOBAḺIAN 31:32

Soaḷ patong tatua, aka mouḻímu in tobatú intau kon naa inta ain nonakow yo intau tatua hukumon matoi. Tayakdon, mongo oyúon in kapunyaanmu kon naa. Aka oyúon, yo gamádon. Bo intau mita naton in mobaḻí sakusi.” Diábí kinotaauan i Yakub kon ki Rahelbí tua in nonakow kon patong tatua.

KINOBAḺIAN 31:36

Dá sinumorúdon in ki Yakub, “Romúdon onu inta ain inaidanku?” Sia in noḻibó takindon sinumorú totok. “Onu in taḷáku nodapot iko nogaḷow kon inakó?

KINOBAḺIAN 31:38

Doyowadon nopuḷú notaong akuoi in nogutun kon inimu. Paanan domba bo bembému nodugangdon nobarong, bo diápabí dodai onda akuoi in nokaan kon tobatúmai in bembé koḷakian nongkon bobiagonmu.

MATIUS 18:16

Tongá aka diá indongogannea in iko, yo podiadon kon tobatú andeka doyowa in intau. Sinbá mosia mobogoi doman in katarangan, ‘Sin takin katarangan in doyowa andeka toḷu in intau, yo tua in motaau pirisayaan.’

TESALONIKA 1 2:10

Motusi in kobobiag nami, mobanar bo diá in yagi-yagi inta diá mopia in inaidan nami kon i monimu inta ain nopirisaya kon i Kristus. Inontong bidon monimu tontaní in kami bodongka bidon ki Allah in nonotaau kon tua komintan.

IBRANI 13:18

Tantúbí sambayangai in kami. Moyakinbí in kami kon notuḻidbí totok in gina nami, sin pomuḷoi in kami mogaid kon yagi-yagi, tantúbí inta mobanar in aidan nami.

YOSUA 7:23

Ginamá monia in barang mita tatua bo dinia kon i Yosua bo kon bayongan intau in Israel. Bo barang mita tatua inukat kon tayowon i Tuhan.

PETRUS 1 2:12

Kopiaan in oaidmu kon sigad in intau mita inta diápa nonotaau kon i Tuhan, sahingga in aka singogon monia kon iko in intau moraat, yo koontongandon monia in oaidmu inta mopia, dá modayowdon in mosia kon i Allah kon singgai koangoian-Nea.

PETRUS 1 3:16

Táe koaḷusbí in pototubag takin horomat. Ginamu in musti totu-totuu motuḻid, sinbá aka poponapudan uboḷ in moiko lantaran nobiag notompia saḷaku dumodudui i Kristus, dá intau inta noponapud in uboḷ tatua kon inimu buibí mooyá tontaní.