KINOBAḺIAN 31:35 - Alkitab Singog In Mongondow Masa In Tanaa

³⁵ Bo ki Rahel in noguman kon i amánea, “Donaaidon ki papa tumorú, akuoi in diádon motaau simindog motomu kon i papa, sin akuoi inangoinea.” Ki Laban totokdon nonaridi in notayak, táe diá nouḻínea in patong tatua.

KINOBAḺIAN 31:35 ပူးပေါင်းရင်းမြစ်များ

KINOBAḺIAN 31:19

Kon dodai intua ki Laban kon tampat ponggonsingan kon bubuḷ in domba, koyogot doman monggonsing kon bubuḷ in dombanea mita, bo kon dodai intuata ki Rahel nonakow kon patong kapunyaan i amánea.

KINOBAḺIAN 31:34

Táe munadon ginamá i Rahel in patong tatua bo pinopobonunea kon botutu inta pinopobongkoḷ kon unta, bo sia iḻimitúdon mako kon bongkoḷ tatua. Ki Laban nomirikisa kon tombonu in ḷoḷaigan i Rahel, táe diá doman nouḻínea in patong tatua

KINOBAḺIAN 31:36

Dá sinumorúdon in ki Yakub, “Romúdon onu inta ain inaidanku?” Sia in noḻibó takindon sinumorú totok. “Onu in taḷáku nodapot iko nogaḷow kon inakó?

DATU MITA IMITÁNEA 2:19

Dá minayádon in ki Batsyeba kon i datu makusud mopoyosingog intua sin kopontingan i Adonia. Sinimindog in ki datu sin monontomu kon i inánea bo sinumungkud kon inia, bo dongka iḻimitú bui kon ḷoḻitúannea. Onda intua sia nokisadia in ḷoḻitúan kon dotá in koḷanannea sin ḻitúan i inánea.

IḶUAIAN 20:12

Horomatbí in ki amá bo ki inámu, sinbá moiko mobiag motompia bo moumur in kobiagan kon butá inta ogoi-Ku kon inimu.

IMAMAT 15:19

Bobay tobatú inta yogot angoion buḷan, monajisbí kon bonu in pitu nosinggai. Ki inekabí in moḻiai kon inia mobaḻíbí monajis modapot kon mata in singgai tumoyop.

IMAMAT 19:3

Bayongan intau musti mohoromat kon i amá bo kon i inánea bo mohoromat kon singgai in Sabat ná inta pinarenta-Ku. Akuoi in ki Tuhan Allahmu.

IMAMAT 19:32

Koinsimbí bo horomat in guyanga mita. Moiko in musti mohoromat bo motoguondok kon i-Nakó, sin Akuoi in ki Tuhan.

EPESUS 6:1

Uḻe! Moiko mongoadí mita inta saḷaku dumodudui i Kristus, duduiaibí in tonggina in guyangamu, sin natuabí in kinoibog i Allah aidanmu.

PETRUS 1 2:18

Utatku mita inta nobaḻí bobantung, kotoinduduibí kon i tuangmu bo totu-totuudon horomat in mosia; deemanbí tongá kon i monia inta mopia in gina bo mobahasa, táe kon i moniabí doman inta morogi.

PETRUS 1 3:6

Natuabí doman in ki Sara. Sia in motoindudui totok kon i Abraham ki buḷoinea, bo sinangoinea doman ki tuangnea. Moiko nion ki adíbí mita i Sara, aka umuran mogaid kon mopia bo diá doman moondok kon yagi-yagi.