KINOBAḺIAN 31:34 - Alkitab Singog In Mongondow Masa In Tanaa

³⁴ Táe munadon ginamá i Rahel in patong tatua bo pinopobonunea kon botutu inta pinopobongkoḷ kon unta, bo sia iḻimitúdon mako kon bongkoḷ tatua. Ki Laban nomirikisa kon tombonu in ḷoḷaigan i Rahel, táe diá doman nouḻínea in patong tatua

KINOBAḺIAN 31:34 ပူးပေါင်းရင်းမြစ်များ

KINOBAḺIAN 31:17

Bo ki Yakub nonoḻisídon sin mobui kon i amánea kon butá in Kanaan. Ki buḷoinea mita takin ki adínea mita pinoponikneadon kon unta, bo dinianeadon bayongan paanan bembé dombanea bo bayongan onu inta ain nouḻínea kon Mesopotamia.

KINOBAḺIAN 31:19

Kon dodai intua ki Laban kon tampat ponggonsingan kon bubuḷ in domba, koyogot doman monggonsing kon bubuḷ in dombanea mita, bo kon dodai intuata ki Rahel nonakow kon patong kapunyaan i amánea.

KINOBAḺIAN 31:33

Bo ki Laban minayá kon ḷoḷaigan i Yakub bo notayak; nopaḷut mako kon tua sia minayá in ḷoḷaigan i Lea bo ḷoḷaigan in bobantungnea bobay doyowa tua, táe patong tatua diábí nouḻínea. Pangabisannea sia sinumuot kon ḷoḷaigan i Rahel.

KINOBAḺIAN 31:35

Bo ki Rahel in noguman kon i amánea, “Donaaidon ki papa tumorú, akuoi in diádon motaau simindog motomu kon i papa, sin akuoi inangoinea.” Ki Laban totokdon nonaridi in notayak, táe diá nouḻínea in patong tatua.

HOSEA 3:4

Natuabí doman in bangusa in Israel; noonggotdon totok in mosia in musti mobiag takin diá in datu andeka itoi, takin diá in kuruban andeka tugu mita mokaramat, takin diádon in berhala mita andeka ajimat mita inta mopotaau in onu inta noibunipa kon singgai moidudui.

IMAMAT 15:9

Ḷoḻitúan in intau inta modia kon kabaḷo ande onukabí inta iḻitúan in intau inta ḷuaian in ḷumoḷayat tatua modaitbí monajis.

HAKIM MITA 18:24

Ki Mikha notubag, “Moiko nogamá kon patongku mita bo imangnea, nodapot in diádon koonu bo onu in akuoi, bo moiko in noguman, ‘Onu in nobaḻí!’ ”

SAMUEL 1 15:23

Sin moḷawang kon parenta i Tuhan notongkaibí in mosihir in koraatnea, bo gina inta mododia notongkaibí in koraatnea ná nosumba kon ilah ibanea, Popisí in ki Tuang Datu ain noḷawang kon parenta i Tuhan, dá diádon akúon i Tuhan kon ki Tuang in datu.”