KINOBAḺIAN 31:32 - Alkitab Singog In Mongondow Masa In Tanaa

³² Soaḷ patong tatua, aka mouḻímu in tobatú intau kon naa inta ain nonakow yo intau tatua hukumon matoi. Tayakdon, mongo oyúon in kapunyaanmu kon naa. Aka oyúon, yo gamádon. Bo intau mita naton in mobaḻí sakusi.” Diábí kinotaauan i Yakub kon ki Rahelbí tua in nonakow kon patong tatua.

KINOBAḺIAN 31:32 ပူးပေါင်းရင်းမြစ်များ

KINOBAḺIAN 13:8

Ki Abram in noguman kon i Lot, “Kitada naa uḻe in doyowa motoḷuadí, dá diá mopia aka intau natonda bo morogenggeng.

KINOBAḺIAN 19:7

Ki Lot in noguman kon intau mita in Sodom tatua, “Utat mita, poigumonku totok kon i monimu, donaaidon momia kon inta moraat ná tatua!

KINOBAḺIAN 30:33

Kon singgai moiduduimai kotaauanmudon mongo akuoi in nojujurdon nogaid. Aka iko mamangoi bo moindoi kon tondan in pinogaidanku, bo mokoontong kon oyúon in bembé inta diá notudi-tudik ande nobaḷam-baḷang, ande domba inta diá norondí, yo kotaauanmudon kon biag tatua in sinakowku.”

KINOBAḺIAN 31:19

Kon dodai intua ki Laban kon tampat ponggonsingan kon bubuḷ in domba, koyogot doman monggonsing kon bubuḷ in dombanea mita, bo kon dodai intuata ki Rahel nonakow kon patong kapunyaan i amánea.

KINOBAḺIAN 31:23

Bo ki Laban nosipundon kon intaunea mita bo noyotakindon monia nogaḷow kon i Yakub pitu nosinggai in koonggotnea nodapot in kinobatukannea kon butá in buḷud Gilead.

KINOBAḺIAN 31:30

Kinotaauankubí kon iko nobuat tatua popisí in iko moibogdon totok mobui. Nongonu sin iko nonakowbí kon patong moḷoḷukad kon i motoḷuadíku?”

KINOBAḺIAN 31:31

Bo ki Yakub in notubag, “Akuoi in minayá takin inumuni-uni sin moondok in akuoi dikabo ampaganmu in ki adímu mita.

KINOBAḺIAN 31:33

Bo ki Laban minayá kon ḷoḷaigan i Yakub bo notayak; nopaḷut mako kon tua sia minayá in ḷoḷaigan i Lea bo ḷoḷaigan in bobantungnea bobay doyowa tua, táe patong tatua diábí nouḻínea. Pangabisannea sia sinumuot kon ḷoḷaigan i Rahel.