KINOBAḺIAN 31:27 - Alkitab Singog In Mongondow Masa In Tanaa

²⁷ Nongonu sin iko in nonguboḷbí kon inakó takin minayá inumuni-uni, takin diá noguman? Aka kuma iko bo noguman, yo pasti inogoikubí iko minayá takin pia in gina bo inatod sinakinan in musik rebana bo kecapi!

KINOBAḺIAN 31:27 ပူးပေါင်းရင်းမြစ်များ

KINOBAḺIAN 31:26

Nopaḷut mako kon tua ki Laban noguman kon i Yakub, “Nongonu sin iko in monguboḷbí kon inakó bo nodia noḷagui kon i adíku mita, nádon onda bo mosia tua intau mita inta dinakop kon parang?

KINOBAḺIAN 31:31

Bo ki Yakub in notubag, “Akuoi in minayá takin inumuni-uni sin moondok in akuoi dikabo ampaganmu in ki adímu mita.

KINOBAḺIAN 4:21

Ki ai-ainea tangoinea in ki Yubal, bo buí i Yubal naa in mopia totok mopogogitog in musik kecapi bo bansí.

IḶUAIAN 15:20

Bo ki Miryam, nabi bobay tobatú, ki guya-guyang i Harun, nogamá kon rebananea, bo bayongan bobay dinumudui notobog kon rebana sindaḷan notayok.

YESAYA 5:12

Kon bobutunganmu mita oyúon in singog in kecapi, gambus, rebana bo bansí bo monginum kon anggur. Táe diábí pinandungmai monimu onu in pinomia i Tuhan bo onu inta inaidan-Nea.

HAKIM MITA 6:27

Dá ki Gideon nomiḻí kon mopuḷú in bobantungnea bo minayá nogaid kon onu inta pinarenta i Tuhan kon inia. Táe popisí in sia moiḻiu in ondok kon motoḷuadínea bo kon intau mita inta kon ḻipúnea tatua, dá diá in sia mokobaḻí mogaid kon tua kon dodai in singgai. Dá inaidannea intua kon dodai in doḷom.