KINOBAḺIAN 30:31 - Alkitab Singog In Mongondow Masa In Tanaa

³¹ Guman i Laban, “Mobaḻímai onu in ogoiku kon inimu?” Ki Yakub in notubag, “Donaidon ogoianmu in onu bo onu. Akuoi in umuranbí momiag kon bobiagonmu, asaḷ bo iko moibog kon onu inta poigumonku tanaa:

KINOBAḺIAN 30:31 ပူးပေါင်းရင်းမြစ်များ

KINOBAḺIAN 30:30

Kon tungkuḷ in akuoi diápa namangoi, kapunyaanmu diápa naonda, táe tanaa iko in totokdon in nooyúon. Ki Tuhan ain nomarakat kon inimu sin popisí in akuoi. Tanaa wakutuneadon akuoi mogaid sin pomiagku kon buḷoi bo adíku tontaní”.

KINOBAḺIAN 30:32

Ogoiaidon akuoi in wakutu in singgai naa modondaḷoi kon yua-yuak in bayongan paanan bembé dombamu, bo mogamá kon ki adí in domba inta norondí, bo pomuḷoi doman bembé inta batáneapa inta baḷam-baḷang ande inta notudi-tudik. Tongábí tua tondan in pinogaidanku inta kinoibogku.

MAZMUR 118:8

Mopia-piabí kon mosingayow kon i Tuhan, dika in mopongata kon intau.

IBRANI 13:5

Aka mobiag yo dikabí kawasaan in ibog kon doit, táe kosanangbí in momaké kon onu inta nouḻímu sin ki Allah nogumandon nanaa, “Akuoi in diábí mopomayá mako andeka monaḷámai kon inimu.”