KINOBAḺIAN 30:29 - Alkitab Singog In Mongondow Masa In Tanaa

²⁹ Tubag i Yakub, “Kinotaauanmu bidon tontaní kon akuoi ain totu-totuu nogaid, bo bobiagonmu in nodugangdon nobarong sin akuoi in nomiag.

KINOBAḺIAN 30:29 ပူးပေါင်းရင်းမြစ်များ

KINOBAḺIAN 30:30

Kon tungkuḷ in akuoi diápa namangoi, kapunyaanmu diápa naonda, táe tanaa iko in totokdon in nooyúon. Ki Tuhan ain nomarakat kon inimu sin popisí in akuoi. Tanaa wakutuneadon akuoi mogaid sin pomiagku kon buḷoi bo adíku tontaní”.

KINOBAḺIAN 30:5

Ki Bilha sidia bo nopononggadí in adí ḷoḷaki tobatú.

KINOBAḺIAN 31:6

Kinotaauan domandon namunda kon akuoi totokdon irumopot in nogaid sin nobantung kon i amá monimu.

MATIUS 24:45

Ki Yesus in noguman, “Ki ine in simpaḷ inta mopia bo mopandoi? Inta aindon inaidan i tuangnea itoi in simpaḷ ibanea, sinbá sia in mobogoi in kaanon kon wakutunea.

PETRUS 1 2:15

Sin ibogon i Allah bá oaid monimu inta mopia tua in momompon kon bibig in intau inta tongá kinosingo-singognea.

PETRUS 1 2:18

Utatku mita inta nobaḻí bobantung, kotoinduduibí kon i tuangmu bo totu-totuudon horomat in mosia; deemanbí tongá kon i monia inta mopia in gina bo mobahasa, táe kon i moniabí doman inta morogi.