KINOBAḺIAN 30:20 - Alkitab Singog In Mongondow Masa In Tanaa

²⁰ Gumannea, “Ki Allah ain nobogoi kon inakó in tombuinag inta mogaga totok. Tanaa ki buḷoiku in mogutundon moyotakinku, sin akuoi ain nopolahir in adí ḷoḷaki onom,” tuamai sinangoiannea in adí tatua ki Zebulon.

KINOBAḺIAN 30:20 ပူးပေါင်းရင်းမြစ်များ

KINOBAḺIAN 29:34

Ki Lea in buidon sidia bo nopononggadí bui in adí ḷoḷaki. Gumannea, “Tanaa ki buḷoiku modiugdon totok kon inakó sin akuoi ain nopononggadí in adí ḷoḷaki toḷu.” Bo sinangoianneadon ki adínea tatua ki Lewi.

KINOBAḺIAN 30:15

Tubag i Lea, “Eta diápa doman tugat kon inimu in nogamá kon i buḷoiku? Tanaa iko monungkuḷ doman mogamá kon undam inta nouḻí i adíku.” Guman i Rahel, “Aka ogoimu kon inakó in pinomuḷa undam inta nouḻí i adímu tua, yo motaau in iko mosiug takin i Yakub in doḷom naa.”

KINOBAḺIAN 30:19

Ki Lea in sidiadon bui bo nopononggadídon in adí inggonomnea.

KINOBAḺIAN 30:21

Nopaḷut mako kon tua ki Lea nopononggadídon in adí bobay tobatú inta sinangoiannea ki Dina.

KINOBAḺIAN 34:12

Pogumandon mongo tombuinag onu in kinoibog monimu, bo tantúdon in kobayong in buḷawan ogoi inta mobaḻí bobogoi kon tonibuḷoinea. Akuoi in mobogoibí in onukadon poigumon monimu, asaḷ bo ogoi monimu in akuoi motonibuḷoi takin adí bobay tatua.”

KINOBAḺIAN 35:23

Ki adí mita i Lea in ki Ruben (adí guya-guyang i Yakub), ki Simeon, ki Lewi, ki Yohuda, ki Isakhar bo ki Zebulon.

KINOBAḺIAN 46:14

Ki Zebulon; ki adínea mita: ki Sered ki Elon bo ki Yahleel.

KINOBAḺIAN 49:13

Ki Zebulon in mogutun kon diug in dagat; kapaḷ mita in sinumubu kon pintadnea; modapot kon Sidon in sigad toḻibutánea.

MAZMUR 68:27

“Dayowdon in ki Allah kon yua-yuak in pinoyosipunan in umat-Nea, dayowdon in ki Tuhan, ei bayongan in buí i Yakub!”

IḶUAIAN 22:17

Táe aka ki amánea diá mobogoi kon ḷoḷaki tatua motonibuḷoi takin i adínea, yo ḷoḷaki tatua mustibí moguboḻi kon i amá in bobay tatua inta kobayongnea podudui in oadatan aka mongodeagapa inta diápa dodai onda in pinobuḷoi.

MATIUS 4:13

Sia nonaḷámai kon Nazaret bo minayá nogutun kon Kapernaum, kon bingkí in Danow Galilea, kon butá in Zebulon bo Naptali,

ULANGAN 27:13

Kon dodai in siningog in kutuk, suku Ruben, Gad, Asyer, Zebulon, Dan bo Naptali musti simindog kon tudu in Buḷud in Ebal.

HAKIM MITA 4:10

Bo ki Barak in nonongganutdon kon suku in Zebulon bo Naptali minayá ná Kedes. Tontara inta dinumudui kon i Barak bo kon i Debora kon dodai intua in 10.000 in intau.

HAKIM MITA 5:14

Mosia in minayá nongkon Epraim nopobayá in ḷopá, dinumudui kon tontara i Benyamin inta nopipid kon muna monia. Nongkon Makhir namangoidon in panglima mita, bo nongkon Zebulon sinimindogdon in porwira mita.

SAMUEL 1 18:25

bo ki Saul in nopotabá kon i monia noguman kon i Daud, nanaa, “Inta kinoibog i Tuang inta baḻíon buḷawan tontogot in tonibuḷoi in tongábí mogatut in kuḻit ponoitan kon intau in Pilistin, saḷaku tontuḻí kon musung i Tuang.” (Naa in nobaḻí tomayá i Saul sin moḻimod kon i Daud pongin ḻima in intau in Pilistin.)