KINOBAḺIAN 29:5 - Alkitab Singog In Mongondow Masa In Tanaa

⁵ Ki Yakub in noḻibó bui, “Kinotaauan monimu in ki Laban ki adí i Nahor?” “Kinotaauan,” tubag monia.

KINOBAḺIAN 29:5 ပူးပေါင်းရင်းမြစ်များ

KINOBAḺIAN 24:15

Kon dodai in sia yogotpa mosambayang tua, ki Ribka, mongodeaga tobatú inta totok in moḷunat bo diápa doman dodai onda in nosiug takin ḷoḷaki, noiangoidon kon parigí tatua kodia-dia in buyung inta kopota-potaannea. Sia in ki adí i Betuel, guranganea in ki Nahor bo ki Milka; ki Nahor tua ki guya-guyang i Abraham. Ki Ribka minayá in parigí tatua bo nomonu kon buyungnea, bodongka nobui.

KINOBAḺIAN 24:24

“Ki amáku in ki Betuel, ki adí i Nahor bo i Milka,” tubag in mongodeaga tatua.

KINOBAḺIAN 24:29

Ki Ribka naa oyúon in ki guya-guyangnea inta tangoinea ki Laban. Sia in nokodongog kon ouman i ai-ainea soaḷ onu inta pinoguman in bobantung tatua. Sia in nokoontong doman kon ḷambá kon ngiung bo ḻingkit kon poguḻingkitan i ai-ainea tatua. Dá noribatuk iḻumuai kon baḷoi in ki Laban sin mayá mokipodungkuḷ kon bobantung i Abraham tatua inta simindogpa mako takin untanea kon diug in parigí.

KINOBAḺIAN 31:53

Ki Allah inta sinumba i Abraham bo sinumba i amáku ki Nahor in mobaḻí hakim kon sigad natonda.” Bo ki Yakub nongibot pinodoyon kon i Allah inta sinumba i Ishak, ki amánea, sin dumudui mogaid kon dandinea.