KINOBAḺIAN 29:33 - Alkitab Singog In Mongondow Masa In Tanaa

³³ Ki Lea sidiadon bui bo nopononggadí bui in adí ḷoḷaki tobatú. Guman i Lea, “Ki Tuhan ain nobogoi bui in adí tanaa doman sin dinongog-Nea kon akuoi in diá kinotabi.” Bo sinangoianneadon in adí tatua ki Simeon.

KINOBAḺIAN 29:33 ပူးပေါင်းရင်းမြစ်များ

KINOBAḺIAN 30:18

Guman i Lea, “Ki Allah ain nobogoi in tondan pinogaidanku sin akuoi ain noposarakan kon i Zilpa ki buḷoiku,” tuamai adí tatua in sinangoiannea ki Isakhar.

KINOBAḺIAN 30:20

Gumannea, “Ki Allah ain nobogoi kon inakó in tombuinag inta mogaga totok. Tanaa ki buḷoiku in mogutundon moyotakinku, sin akuoi ain nopolahir in adí ḷoḷaki onom,” tuamai sinangoiannea in adí tatua ki Zebulon.

KINOBAḺIAN 30:6

Ki Rahel noguman, “Ki Allah ain nobogoi in koadilan kon inakó. Inindogogan-Neadon in sambayangku bo inogoian-Neadon akuoi in adí ḷoḷaki tobatú.” Bo sinangoianneadon in adí tatua ki Dan.

KINOBAḺIAN 30:8

Guman i Rahel, “Akuoi in totokdon irumopot moḷawang kon i guya-guyangku, bo akuoi in nountung,” tuamai adí tatua sinangoiannea ki Naptali.

KINOBAḺIAN 34:25

Toḷu nosinggai noiduduimai kon tua, kon wakutu in intau mita ḷoḷaki nonahangpa mako kon monakit pinopisí in bagupa sinoit, indoianmai yo ki adí i Yakub doyowa, inta ki guya-guyang i Dina inta ki Simeon bo ki Lewi, nogamádon kon pitow monia, bo takin diá noguman sinumuot kon kotá. Onda intua mosia noḻimod kon bayongan ḷoḷaki kon tua,

KINOBAḺIAN 34:30

Ki Yakub noguman kon i Simeon bo kon i Lewi, “Moiko mokopororigamaidon kon inakó. Tanaa intau in Kanaan bo intau in Peris bo bayongan intau kon butá kon naa moyaatdon in gina monia kon inakó. Intau mita naton tongábí topiḻik; aka komintan intau kon naa motobatú komintan moḷawang bo monubu kon inakó, yo bayongan buḷoi, adí bo ginaḷum naton modaitbí moyopú.”

KINOBAḺIAN 35:23

Ki adí mita i Lea in ki Ruben (adí guya-guyang i Yakub), ki Simeon, ki Lewi, ki Yohuda, ki Isakhar bo ki Zebulon.

KINOBAḺIAN 42:24

Ki Yusup nonaḷámai kon i monia, bodongka nongombaḷ. Naonda in sia motaaudon bui mosingog, sia in namangoidon bui kon i monia, bo nogamá kon i Simeon, bo pinoki togot in sia kon tayowon i utatnea mita.

ULANGAN 21:15

“Aka ḷoḷaki tobatú in kobuḷoi kon doyowa, bo taya dua tumpaḷa nopononggadí in adí ḷoḷaki, táe adí inta muna noilahir deemanbí adí nongkon i buḷoinea inta totok in kinotabinea.