KINOBAḺIAN 29:30 - Alkitab Singog In Mongondow Masa In Tanaa

³⁰ Ki Yakub nosiugdon noyotakin doman i Rahel, bo ki Rahelbí in kotabi tabinea nongkon i Lea. Onda intua sia nogaid pitupa doman notaong in koonggotnea.

KINOBAḺIAN 29:30 ပူးပေါင်းရင်းမြစ်များ

KINOBAḺIAN 29:17

Ki Lea matanea nopira, táe ki Rahel mogaga in awak bo pogotnea in moḷunat.

KINOBAḺIAN 29:18

Ki Yakub in noibogdon kon i Rahel, tuamai sia noguman kon i Laban, “Akuoi in mogaid pitupa notaong aka ogoimu akuoi motonibuḷoi takin i Rahel.”

KINOBAḺIAN 29:20

Dá ki Yakub in nogaidon pitupa notaong in koonggotnea sinbá sia in motaau motonibuḷoi takin i Rahel, táe korasaannea pitu notaong tua in tongá inanggapnea naonda bo tongonumai nosinggai, sin popisí in ibognea totok kon i Rahel tua.

KINOBAḺIAN 29:29

Ki Laban nobogoi in bobantungnea bobay ki Bilha kon i Rahel sin mobaḻí bobantungnea.)

KINOBAḺIAN 29:31

Naonda inontong i Tuhan kon ki Lea in diá totok kinotabi i Yakub ná tabinea kon i Rahel, dá binaḻídon i Tuhan sia bobay inta motaau mopononggadí in adí, táe ki Rahel in binaḻí-Nea bantó.

KINOBAḺIAN 31:15

Kami in pinomianeadon ná intau ango-angoi. Sia ain nopotaḷui kon inami bo onu inta ain sinarimanea tatua, ain domandon kinodaitnea tontaní.

KINOBAḺIAN 31:41

Ná domai tua in rorigaku tungkuḷ in akuoi nogaid kon inimu doyowa nopuḷú notaong koonggotnea. Mopuḷú bo opat notaong koonggotnea akuoi nogaid kon inimu sinbá motaau mobuḷoi kon i adímu doyowa tatua – bo onompa doman notaong bui sinbá mokouḻí kon paanan bembé bo domba tatua. Bo solama intua iko ain kopuḷú nomaḷui kon tondan in pinogaidanku.

KINOBAḺIAN 44:20

Kami ain notubag, ‘Ki Amá nami ain nogoguyang bo ki ai-ai nami pinononggadí kon dodai in ki amá nami ain noguyang. Ki guya-guyang toináan i ai-ai nami tua ain minatoi, dá tanaa dongkadon sia in nobiagpa in kon sigad i nayadua, bo ki papa totok in motabi kon inia.’

KINOBAḺIAN 44:27

Onda intua ki amá nami in noguman, ‘Kinotaauan monimu kon ki Rahel, ki buḷoiku tua tongá kogadí kon doyowa.

HOSEA 12:12

tongá umpaka natua oyúonpa doman in nosumba kon berhala kon Gilead, bo moposumba in sapi kon tudu in mezbah kon Gilgal. Táe mosia inta nosumba kon berhala tatua in matoibí, bo mezbah mita kon Gilgal in mobaḻíbí bonturungan in batu kon gobá mita.”

MATIUS 10:37

Ki ine in motabi kon i amánea andeka kon i inánea moiḻiu kon tabinea kon i-Nakó sia tua in diá patus mobaḻí dumodudui-Ku. Natua doman ki ine in motabi kon i adínea ḷoḷaki andeka bobay bo moiḻiu kon tabinea kon i-Nakó, sia doman tua in diá patus mobaḻí dumodudui-Ku.

MATIUS 6:24

“Diábí in tobatúmai intau in motaau monontuang kon doyowa. Sin aka natua, yo tongábí tobatú in kotabinea, yo tobatú in diábí kotabinea, andeka tongábí tobatú in duduiannea, yo tobatú in diábí. Moiko in diábí motaau mobantung kon i Allah bo kon kapunyaanmu.

LUKAS 14:26

“Aka intau mamangoi kon i-Nakó, táe sia in motabi-tabi kon i iná bo kon i amánea andeka kon i adíneabí bo kon i buḷoinea bo kon awaknea tontaní, yo sia tua in diá motaau mobaḻí dumodudui-Ku.

YOHANES 12:25

Intau inta motabi kon kobiagannea, yo kobuḻian sia in kobiagannea tatua. Táe intau inta diá motabi kon kobiagannea kon dunia naa, yo sia tua in moḷukadbí kon kobiagannea inta mononoi.

ULANGAN 21:15

“Aka ḷoḷaki tobatú in kobuḷoi kon doyowa, bo taya dua tumpaḷa nopononggadí in adí ḷoḷaki, táe adí inta muna noilahir deemanbí adí nongkon i buḷoinea inta totok in kinotabinea.