KINOBAḺIAN 29:27 - Alkitab Singog In Mongondow Masa In Tanaa

²⁷ Oḷatdon modapot in mopaḷut pesta ponikaan pitu nosinggai, bain ogoiku in ki Rahel kon inimu doman, asaḷ iko in moibogpa mogaid kon inakó pitu notaong bui in koonggotnea.”

KINOBAḺIAN 29:27 ပူးပေါင်းရင်းမြစ်များ

KINOBAḺIAN 29:20

Dá ki Yakub in nogaidon pitupa notaong in koonggotnea sinbá sia in motaau motonibuḷoi takin i Rahel, táe korasaannea pitu notaong tua in tongá inanggapnea naonda bo tongonumai nosinggai, sin popisí in ibognea totok kon i Rahel tua.

KINOBAḺIAN 29:26

Ki Laban notubag, “Podudui in adat kon naa, ai-ai in diábí motaau in muna pobuḷoion nongkon guya-guyang.

KINOBAḺIAN 29:28

Ki Yakub noibog, bo naonda in rame tatua nopaḷut, ki Laban nobogoi kon inia notonibuḷoi takin i Rahel. (

KINOBAḺIAN 31:41

Ná domai tua in rorigaku tungkuḷ in akuoi nogaid kon inimu doyowa nopuḷú notaong koonggotnea. Mopuḷú bo opat notaong koonggotnea akuoi nogaid kon inimu sinbá motaau mobuḷoi kon i adímu doyowa tatua – bo onompa doman notaong bui sinbá mokouḻí kon paanan bembé bo domba tatua. Bo solama intua iko ain kopuḷú nomaḷui kon tondan in pinogaidanku.

IMAMAT 18:18

Dika motonibuḷoi takin i utat i buḷoimu aka ki buḷoimu nobiagpa.

MALEAKHI 2:15

Kinotaauan monimu kon ki Allah Inta Totobatú tua noponobatúdon kon awak bo jiwa takin bobay tatua? Onu degá in makusud i Tuhan kon tua? Tongábí bá moiko in mokouḻí kon adí mita inta mobaḻí umat i Allah inta mopia. Dá ḷukadaibí in awakmu, dika modapot in oyúon in kon sigad monimu inta diá mosatia kon i buḷoinea bobay.

TIMOTIUS 1 6:10

Sin pomangkoian in bayongan inta moraat naa in ibogbí kon doit. Aindon tongonumai degá in intau inta umuran moramuji motayak kon doit, sahingga in diádon dinumudui kon totundú in agama Keresten, dá tongádon roriga in moiantug kon i monia bo inta mokoajar doman kon gina in kodungkuḷan monia tua.

HAKIM MITA 14:10

Naonda in ki amá i Simson minayá kon baḷoi in mongodeaga tatua, ki Simson nomia kon rame kon tua, sin natuabí in kabiasaan in tayowmobiag mita.

HAKIM MITA 14:12

Bo ki Simson noguman kon i monia, “Oyúon in tangkíku. Aka kotaauan monimu, yo ogoianku in moiko kon batúannea in kaeng lenan inta moaḷus bo tumongo par in pakeang inta mogaga. Moiko in ogoianku in wakutu pitu nosinggai kon dodai in oyúonpa in rame tanaa, in motayak kon onu in mangaḻenea.