KINOBAḺIAN 29:25 - Alkitab Singog In Mongondow Masa In Tanaa

²⁵ Bain nobangon monik bo kinotaauannea kon ki Leabí in pinobuḷoinea. Bo minayádon in ki Yakub kon tayowon i Laban bo noguman, “Nongonu sin pomiaanmubí nanaa in akuoi? Akuoi in nogaid sinbá motaau motonibuḷoi i Rahel? Nongonu sin inuboḷanmubí in akuoi?”

KINOBAḺIAN 29:25 ပူးပေါင်းရင်းမြစ်များ

KINOBAḺIAN 12:18

Bo ki datu in nogoiní kon i Abram bo noḻibó kon inia, “Onudon in pinomiamu kon inakó naa? Nongonu sin diábí pinogumanmu kon sia naa in ki buḷoimu?

KINOBAḺIAN 20:9

Nopaḷut mako kon tua ki Abimelek nogoiní kon i Abraham bo noḻibó “Onu inta ain pinomiamu kon inami? Onu in taḷáku kon inimu, dapot in pinopoangoimudon inta mokobodito kon inakó bo kon dodatuan ku? Totuu kon diábí patus iko in momia kon natua kon inakó.

KINOBAḺIAN 26:10

“Onudon in pinomiamu naa kon inami?” guman i Abimelek. “Totuubí mogampa-gampang in intauku tobatú mayá mosiug moyotakin i buḷoimu, bo aka tua in mobaḻí, yo ikodon in motanggung jawab kon taḷá nami tatua.”

KINOBAḺIAN 29:16

Ki Laban naa in kogadí kon mongodeaga doyowa; guya-guyang tangoinea ki Lea, bo ki ai-ainea tangoinea in ki Rahel.

KINOBAḺIAN 29:24

Ki Laban nobogoi in bobantungnea bobay inta ki Zilpa in tangoinea kon i Lea, sin mobaḻí bobantungnea.)

KINOBAḺIAN 29:26

Ki Laban notubag, “Podudui in adat kon naa, ai-ai in diábí motaau in muna pobuḷoion nongkon guya-guyang.

KINOBAḺIAN 31:26

Nopaḷut mako kon tua ki Laban noguman kon i Yakub, “Nongonu sin iko in monguboḷbí kon inakó bo nodia noḷagui kon i adíku mita, nádon onda bo mosia tua intau mita inta dinakop kon parang?

KINOBAḺIAN 31:7

Bo umpaka natua táe akuoi inuboḷanneapa doman bo binaḷuaineadon tondan in pinogaidanku nodapot in kopuḷú. Táe diábí pinomayá mako i Tuhan in sia nopoaid in inta moraat kon inakó.

AMSAL 11:31

Aka kon dunia naa bo intau mopia in mokouḻí kon tontuḻínea, yo notantú bidon kon intau moraat bo binaradosa in mokouḻíbí kon hukuman.

MATIUS 7:12

Onu inta koibog monimu popoaid in intau kon i monimu yo popoaid domandon kon i monia intua. Tuadon bonu in bayongan atorang i Musa bo inta pinais kon buk in nabi mita.

MATIUS 7:2

Sin naonda in pohohakimmu kon intau ibanea, tua doman in pohakim kon inimu.

YOHANES 21:17

Intoḷuneadon ki Yesus in noḻibó kon inia, “Simon adí i Yohanes, motabi degá in iko kon i-Nakó?” Moajardon totok in gina i Petrus sin ki Yesus nodapot in kotoḷu in noḻibó kon inia. Dá ki Petrus in notubag bui, “Tuhan, kinotaauanbí i Tuhan in bayongan yagi-yagi. Kinotaauanbí i Tuhan kon akuoi in motabibí kon i Tuhan!” Bo ki Yesus in noguman kon inia, “Ḷukadaidon in domba-Ku mita.

KORINTUS 1 3:13

Bayongan onu inta inaidan in intau modaitbí koontongan kon wakutu in koangoian bui i Kristus. Sin kon wakutu intua tuḷubí in mopoontong kon bayongan inta inaidan in intau. Tuḷubí in moguji bo monantú kon mopia andeka diá in oaidan mita tatua.

WAHYU 3:19

Intau mita inta kotabi-Ku, mosia tuata in toboḷowon-Ku bo sambokon-Ku. Manangka intua koropotdon in gina monimu bo pogogaidon in mogaid kon dosa mita.

HAKIM MITA 1:7

Guman i Adoni-Bezek, “Koḻipod in pitu nopuḷú in datu inta pinongkóanku kon ki iná in ḻima bo sioḷ monia, bo binió-biókudon mako in mosia nokaan kon ki agat in kaanon inta noḷabú nongkon mejaku. Tanaa in ki Allah nopoaidon kon inakó ná onu inta pinopoaidku kon i monia.” Noiduduimai kon tua ki Adonia-Bezek dinia pinobayá in Yerusalem, bo kon tuadon in kinopatoiannea.

RUT 4:11

Intau mita inta dinuí itoi kon tua bo intau ibanea inta kon tua noguman, “Oo, kamidon in sakusinea. Poigumon mako ki Tuhan in mopobaḻí kon i buḷoimu tua naonda bo ki Rakhel bo ki Lea inta nopononggadí in adí mobayong kon i Yakub. Poigumon mako iko in mobiagdon mooyúon totok kon sigad in intau mita nongkon inanakan in Eprata bo poigumon doman mako iko in mobaḻídon intau inta tango-tangoiondon totok kon Betlehem.

SAMUEL 1 28:12

Naonda in bobay tatua nokoontong kon i Samuel, kinumarak in sia bo noguman kon i Saul, “Nongonu sin ki Tuang in nonguboḷbí kon bobantung naa? Ki Tuangbí naa in ki Datu Saul!”