KINOBAḺIAN 29:20 - Alkitab Singog In Mongondow Masa In Tanaa

²⁰ Dá ki Yakub in nogaidon pitupa notaong in koonggotnea sinbá sia in motaau motonibuḷoi takin i Rahel, táe korasaannea pitu notaong tua in tongá inanggapnea naonda bo tongonumai nosinggai, sin popisí in ibognea totok kon i Rahel tua.

KINOBAḺIAN 29:20 ပူးပေါင်းရင်းမြစ်များ

KINOBAḺIAN 24:67

Nopaḷut mako kon tua ki Ishak nodia kon i Ribka sinumuot kon ḷoḷaigan i Sara, ki inánea, bo sinonibuḷoineadon in ki Ribka. Ki Ishak motabi totok kon i Ribka; dá noḻipoidon in susa i Ishak popisí in kinopatoiandon i inánea.

KINOBAḺIAN 29:19

Guman i Laban, “Maníka sia in ogoiku kon inimu dika in ogoi kon intau ibanea; dá pogutundon kon naa.”

KINOBAḺIAN 29:27

Oḷatdon modapot in mopaḷut pesta ponikaan pitu nosinggai, bain ogoiku in ki Rahel kon inimu doman, asaḷ iko in moibogpa mogaid kon inakó pitu notaong bui in koonggotnea.”

KINOBAḺIAN 29:30

Ki Yakub nosiugdon noyotakin doman i Rahel, bo ki Rahelbí in kotabi tabinea nongkon i Lea. Onda intua sia nogaid pitupa doman notaong in koonggotnea.

KINOBAḺIAN 30:26

Pomayádon mako akuoi modia kon i buḷoiku doyowa takin ki adíku mita, inta nouḻíku saḷaku tondan in pinogaidanku kon inimu. Kinotaauanmu, kon akuoi aindon totu-totuu nogaid kon inimu.”

KINOBAḺIAN 31:15

Kami in pinomianeadon ná intau ango-angoi. Sia ain nopotaḷui kon inami bo onu inta ain sinarimanea tatua, ain domandon kinodaitnea tontaní.

KINOBAḺIAN 34:19

Bo ki Sikhem noibogdon ḷagi dinumudui kon onu in sarat tatua popisí in totokdon ibognea kon i Dina. Kon sigad in bayongan ginaḷum motoḷuadí monia ki Sikhemdon naa inta totok in ihoromat monia.

HOSEA 12:12

tongá umpaka natua oyúonpa doman in nosumba kon berhala kon Gilead, bo moposumba in sapi kon tudu in mezbah kon Gilgal. Táe mosia inta nosumba kon berhala tatua in matoibí, bo mezbah mita kon Gilgal in mobaḻíbí bonturungan in batu kon gobá mita.”

HOSEA 12:13

Ki Yakub mogoguyang naton noḷagui minayá in Mesopotamia, bo bá mokouḻí kon buḷoi, sia in nogaid saḷaku ata kon intau kon tua bo noḷukad kon domba mita in intau tatua.

KORINTUS 1 13:7

Monahangbí in sia in tumayow kon bayongan rupa-rupa bo mopirisaya kon bayongan inta mopia; sia in tantú oyúon in harapan bo monahang doman in mogoḷat bo motanggung kon bayongan rupa-rupa inta mobaḻí.

KORINTUS 2 5:14

Tabibí i Kristus in nongawasa kon i nami, bo kinomangaḻean bidon nami kon aka tobatú intau inta ain minatoi sin motobut kon taḷá in bayongan intau, yo tua in mangaḻenea komintan intau ain bidon minatoi.

EPESUS 5:2

Kobiagbí takin oyúon tabi, ná ki Kristus motabi kon i naton. Sia in nopokuruban in kobiagan-Nea kon i naton bo nobaḻí tobatú sosumba inta totok in mobondu bo inta mokosanang kon gina i Allah.

SAMUEL 1 18:23

Táe naonda in mosia nopotaau intua kon i Daud, sia in notubag, “Kai monimu kamai yo mogampangbí in mobaḻí mototaka in datu? Akuoi naa in intau nobogá bo diá in mangaḻenea!”