KINOBAḺIAN 29:17 - Alkitab Singog In Mongondow Masa In Tanaa

¹⁷ Ki Lea matanea nopira, táe ki Rahel mogaga in awak bo pogotnea in moḷunat.

KINOBAḺIAN 29:17 ပူးပေါင်းရင်းမြစ်များ

KINOBAḺIAN 12:11

Kon dodai in sia tumaḻibdon kon sigad bo tumuotdon kon butá in Mesir, sia in noguman kon i Sarai ki buḷoinea, “Iko totok in moḷunat, buḷoiku.

KINOBAḺIAN 12:14

Bo noitotuu, naonda in ki Abram minayádon nongin sigad in butá tatua bo nodapotdon kon butá in Mesir, intau mita nokoontong kon ki Sarai totokbí in moḷunat.

KINOBAḺIAN 26:7

Naonda in intau mita kon tua noḻibó mongo ki ine in ki Ribka, ki Ishak noguman kon ki Ribka tua in ki ai-aineabí, deemanbí ki buḷoinea. Sin ki Ishak in moondok dika-dikabo intau mita kon tua moḻimod kon inia bo mogamá kon i Ribka inta moḷunat totok tatua.

KINOBAḺIAN 29:16

Ki Laban naa in kogadí kon mongodeaga doyowa; guya-guyang tangoinea ki Lea, bo ki ai-ainea tangoinea in ki Rahel.

KINOBAḺIAN 29:18

Ki Yakub in noibogdon kon i Rahel, tuamai sia noguman kon i Laban, “Akuoi in mogaid pitupa notaong aka ogoimu akuoi motonibuḷoi takin i Rahel.”

KINOBAḺIAN 29:30

Ki Yakub nosiugdon noyotakin doman i Rahel, bo ki Rahelbí in kotabi tabinea nongkon i Lea. Onda intua sia nogaid pitupa doman notaong in koonggotnea.

KINOBAḺIAN 30:22

Bo kinotoropandon i Allah in ki Rahel; ki Allah in notubagdon kon sambayangnea bo inogoi-Neadon sia nononggadí.

KINOBAḺIAN 35:24

Ki adí mita i Rahel in ki Yusup bo ki Benyamin.

KINOBAḺIAN 39:6

Bayongan onu inta kon i Potipar pinopopirisayadon kon i Yusup. Takin natua ki Potipar beresi bidon sia doí monotaau kon bayongan inta kon baḷoinea, koḻikudbí in soaḷ kaanonnea. Ki Yusup naa in moroton bo moḷunat totok.

KINOBAḺIAN 48:7

Tua mita pinomiaku sin ki Rahel ki inámu. Kon binayáanku nobui nongkon Mesopotamia, ki inámu minatoi kon butá in Kanaan, diá noyayú nongkon Eprata, bo totok in norobonoḷ in ginaku. Iḷobongku in sia kon tua, kon bingkí in daḷan mayá ná Eprata.” (Tanaa mako Eprata tua in Betlehem.)

AMSAL 31:30

Pogot inta motaingkat diábí motaau pirisayaan, bo pogot moḷunat in moinggamábí; táe bobay inta motoindudui kon i Tuhan in patusbí dayowon.

YEREMIA 31:15

Ki Tuhan in noguman, “Kon Rama kinodongogan in ombaḷ, bo amui inta takindon in ajar in gina. Ki Rahel in nongombaḷ kon i adínea mita, sia in doíbí ḻipoion sin diádon in mosia.

MATIUS 2:18

“Kinodongogandon in tombá kon Rama, ombaḷ bo amui inta totok mokokuyang; ki Rahel mongombaḷmai kon i adínea mita, bo sia in doí dondouḷugan, sin ki adínea mita in diá don.”

SAMUEL 1 10:2

Naonda in iko monaḷámai kon inakó singgai in naa, iko in moyodungkuḷ in intau ḷoḷaki doyowa kon diug in pinoḷobongan kon i Rahel kon Zelzah kon butá in Benyamin. Mosia in mogumanbí kon inimu, nanaa: Keledai mita inta sinayakmu in nouḻídon. Tanaa in diá bidon moḻia-ḻiaw in gina i amámu soaḷ in mahaḷuk mita tatua, tongá umuran moḻibó mongo naonda in pototayaknea kon inimu.”