KINOBAḺIAN 29:13 - Alkitab Singog In Mongondow Masa In Tanaa

¹³ Naonda in ki Laban nokodongog kon habar soaḷ ki Yakub, pokuadíonea tatua, noribatukdon in sia sin mayá mokipodungkuḷ. Ki Laban nonggakap kon i Yakub bo inayokannea, bodongka dinianea sinumuot kon baḷoi. Naonda in ki Yakub nongonguman kon bayongan kaadaannea kon i Laban,

KINOBAḺIAN 29:13 ပူးပေါင်းရင်းမြစ်များ

KINOBAḺIAN 24:29

Ki Ribka naa oyúon in ki guya-guyangnea inta tangoinea ki Laban. Sia in nokodongog kon ouman i ai-ainea soaḷ onu inta pinoguman in bobantung tatua. Sia in nokoontong doman kon ḷambá kon ngiung bo ḻingkit kon poguḻingkitan i ai-ainea tatua. Dá noribatuk iḻumuai kon baḷoi in ki Laban sin mayá mokipodungkuḷ kon bobantung i Abraham tatua inta simindogpa mako takin untanea kon diug in parigí.

KINOBAḺIAN 24:31

Bo ki Laban noguman, “Ki Amá inta binarakatan i Tuhan! Donaai tongá kon ḷuai naa. Koḻigai mayá in baḷoi nami. Ki Amá aindon pinosadiaan nami kon posiugan, bo unta mita i Amá ain doman pinosadiaan nami kon ḷantungnea.”

KINOBAḺIAN 24:32

Bo dinumuduidon in bobantung tatua poḷat sinumuot kon baḷoi. Ki Laban nopoponag in datog in unta mita tatua, bo poḷat nobogoi in wawa bo nopokaan kon mahaḷuk mita tatua. Nopaḷut mako kon tua nodia mangoi in sia kon tubig sin pondaritan in bobantung i Abraham tatua kon sioḷ takin intau mita inta noyotakinnea.

KINOBAḺIAN 33:4

Táe ki Esau in noribatuk namangoi kon i Yakub, bo nonggakap poḷat nongayok kon inia. Bo taya dua tua tumpaḷadon nongombaḷ.

KINOBAḺIAN 45:15

Onda intua, takin koomba-ombaḷpa, ki Yusup nonggakap kon i utatnea mita bo poḷat doman nongayok kon i monia komintan. Nopaḷut mako kon tua mosia in nomangkoidon nongonguman takinnea.

SAMUEL 2 19:39

Onda intua ki Daud bo bayongan in intaunea iḷumoḷandon kon Ongkag in Yordan. Bo ki Daud in nongayok kon i Barzilai bo nogumandon kon mayá, onda intua ki Barzilai in nobuidon kon baḷoinea.

IḶUAIAN 18:7

dá iḷumuaidon in sia nonontomu kon i monia. Sia in sinumungkud kon tayowon i Yitro bo poḷat nongayok kon inia. Nosiḻibóandon in mosia mongo nosehat, bo sinumuot domandon in mosia kon ḷoḷaigan i Musa.

IḶUAIAN 4:27

Kon dodai intua ki Tuhan noguman kon i Harun, “Bayádon kon padang gurun mokipodungkuḷ kon i Musa.” Ki Harun minayá, bo noyodungkuḷ i ai-ainea kon buḷud motusi, bo inayokannea in ki Musa.

LUKAS 7:45

Iko in diábí notomu nongayok kon i-Nakó, táe bobay tanaa in diábí mogoga-gogai in mongayok kon sioḷ-Ku pokoangoi-Kupa in naa.

OUMAN IN RASUL MITA 20:37

Mosia in nongombaḷ komintan poḷat nonggakap bo nongayok kon i Paulus bo noguman kon inia kon mokopopiadon in kon daḷan.

SURAT I PAULUS KON JAMAAT RUM 16:16

Posisalamanbí takin tabi saḷaku tumpaḷa utat inta mopirisaya kon i Kristus. Bayongan jamaat i Kristus kon naa nopoyaput in salam kon i monimu komintan.

KOLOSE 4:5

Mokopobijaksanadon in mobiag moyotakin intau mita inta diá mopirisaya, bo pakédon kopira pomuḷoi oyúon in kasampatan.