KINOBAḺIAN 28:18 - Alkitab Singog In Mongondow Masa In Tanaa

¹⁸ Nobangon monik doḷo-doḷom, ki Yakub sinimindog, bo nogamá kon batu inta pinakénea pinonguḷunan bo pinosindognea nobaḻí tobatú tompoingat bodongka pinobutakneadon in ḷana zaitun kon tudu in batu tatua.

KINOBAḺIAN 28:18 ပူးပေါင်းရင်းမြစ်များ

KINOBAḺIAN 21:14

Nobangon monik doḷo-doḷom, ki Abraham nobogoi in kaanon bo botutu kuḻit binonuan in tubig sin baḷun monia kon daḷan. Pinopobabaneadon kon i Hagar in adí tatua, bodongka pinotabánea minayá in bobay tatua. Ki Hagar in nobuatdon bo minayá nongin padang gurun Bersyeba.

KINOBAḺIAN 22:3

Nobangon monik doḷo-doḷompa, ki Abraham noniai kon kayu sin pakéon potubaan kon kuruban, kayu tatua sinogotnea mako bo pinopobaba kon keledainea. Sia in minayá takin i Ishak bo bobantungnea doyowa, mosia nopobayá in tampat inta pinoguman i Tuhan kon inia.

KINOBAḺIAN 28:11

Kon dodai in mata in singgai sinumoyopdon nodapotdon in sia kon tampat tobatú, bo nogogai in sia kon tua. Inumuḻid in sia sin mosiugdon; sia nonguḷun kon batu tobatú.

KINOBAḺIAN 31:13

Akuoibí naa in ki Allah inta nokipogontong kon inimu kon Betel. Kon tua iko ain noposindog in batu tompoingat tobatú, poḷat nopobutak in ḷana zaitun kon tudunea. Kon tampat doman tatua iko nongibot kon inakó. Tanaa pobasadiadon bo pobuidon kon butá kinolahiranmu.’ ”

KINOBAḺIAN 31:45

Onda intua ki Yakub nogamá kon batu tobatú bo pinosindognea nobaḻí batu tompoingat.

KINOBAḺIAN 35:14

Kon tampat ki Allah noguman kon i Yakub, pinosindogneadon in batu tompoingat tobatú. Bo kon batu tatua sia nobogoi in sosumba kon i Allah takin nopobutak in anggur bo ḷana zaitun kon tudunea.

KINOBAḺIAN 35:20

Ki Yakub noposindog in batu tompoingat tobatú kon tua, bo nodapotpabí in masai naa pinoḷobongan kon i Rahel tatua sinandaan in batu tatua.

SAMUEL 2 18:18

Kon wakutu in nobiagpa, ki Absalom noposindogdon kon inia in tobatú tugu kon Ḷopá in Datu, sin sia in diá kogadí kon ḷoḷaki inta mongingguput kon buínea. Tugu tatua sinangoiannea in tangoinea tontaní, bo nodapot in singgai naa tugu tatua umuran kinotaauan saḷaku tugu i Absalom.

MAZMUR 119:60

Akuoi in ḻimikatbí bo diábí mogoḷat sin mopobayá in parenta-Mu.

MOHOHUTUBA 9:10

Aidaibí in bayongan oaidanmu podoyon kon bayongan ropotmu. Sin moiangoibí in kodaitan raian andeka oaidan. Diábí in ilimu andeka pandoi kon dunia in intau minatoi. Bo kon tuata in bayáanmu.

YESAYA 19:19

Kon tungkuḷ intua kon yuak in butá in Mesir posindogonbí in mezbah tobatú kon i Tuhan, bo kon pinosigadannea in oigi batu tobatú inta sinondí kon i Tuhan.

PINOGIAPAN 7:1

Kon dodai in ki Musa nopaḷutdon noposindog in Ḷoḷaigan i Tuhan, Ḷoḷaigan takin bayongan in touḷutnea sinabisneadon takin nopoḻepo in ḷana upacara kon bayongan intua. Natua doman in pinomomianea kon mezbah bo bayongan in pakakatnea.

YOSUA 4:9

Kon yua-yuak doman in ongkag in Yordan tatua, ki Yosua nopoyoguntuḷ in batu mopuḷú bodoyowá noitongkaná kon tampat inta sinindogan in imang mita inta nomotaan kon Poti Dodandian tatua. (Batu mita tatua umuranpa doman oyúon dapot in tanaa mako.)

SAMUEL 1 7:12

Nopaḷut mako kon tua ki Samuel noposindog in batu tobatú, kon pinosigadan in Mizpa bo Sen. Sia in noguman, “Ki Tuhan totu-totuudon notuḷung kon inaton.” – Bo batu tatua in sinangoiannea “Batu Pinotuḷungan”.