KINOBAḺIAN 27:34 - Alkitab Singog In Mongondow Masa In Tanaa

³⁴ Naonda in nokodongog kon natua, ki Esau totok in nongombaḷ bo norobonoḷdon totok in ginanea, bo sia noguman, “Barakatai domandon in akuoi uḻe Papa!”

KINOBAḺIAN 27:34 ပူးပေါင်းရင်းမြစ်များ

KINOBAḺIAN 27:35

Ki Ishak in noguman, “Ki ai-aimu ain namangoi in naa bo nonguboḷ kon inakó. Sia ain nogamá kon barakat inta sabanarnea ogoikubí kon inimu.”

ESTER 4:1

Naonda in kinodongogandon i Mordekhai onu inta nobaḻí, nomerak in sia kon ḷambungnea bo nogibintoḷ nobaḻí tomponuot kon morobonod in gina. Sia in nopoinggú in ḷobud kon uḷunea, bo nodondaḷoi kon kotá poḷat nongombaḷ moropot takin robonoḷ in dodob.

AMSAL 1:31

Tuamai, korasaanbí monimu in bungai in aidmu mita bo tomayámu mita inta moraat.

AMSAL 19:3

Intau in moporugibímai kon awaknea tontaní popisí in bodoknea, onda intua mopotaḷá kon i Tuhan kon onu inta nobaḻí tatua.

IBRANI 12:17

Sinbá kotaauan monimu, naonda in ki Esau moibog mokouḻí kon barakat nongkon i amánea, sia sinolak. Sin umpakabí takin ombaḷ sia motayak kon daḷan mopoyotutui kon onu inta noitaḷá, táe diá bidon in kasampatannea.